辛手村 (已結業)

系旺角见到呢间餐厅嘅装修咁文青feel，以为系cafe，望真啲原来系食川菜，又几特别㖞。原来每晚九点半仲会转灯光，成个bar咁，唔怪得Menu有咁多酒饮🤣。串烧鸡肉软骨棒l鱿鱼l翠肉瓜串烧本身有调味，上碟时，碟左边有辣椒粉，右边有孜然粉，想重口味啲可以点埋。鸡肉软骨棒因为有骨有肉，唔会好似斋鸡软骨咁硬，可以轻松咁样咬开。翠玉瓜即使烧完都仲系好juicy。麻辣黑松露味干锅见到有麻辣黑松露味咁得意，梗系嗌黎试吓啦，舖头仲有另外一款自创寿喜烧干锅，几有心思。好难得揾到一款唔系太辣嘅干锅，黑松露味虽然好重，但唔会抢晒麻辣嘅风头。入面嘅莲藕炸得好脆，食到唔停口。猪颈肉好juicy，连埋其他配料送饭一流。甜品柚子冰粉l菠萝冰粉冰粉好滑捋捋，柚子同菠萝味都好浓郁，冻冻地解辣一流。饮品芭乐乌龙l柚子乌龙芭乐乌龙好有台湾feel，沟埋乌龙好清新。