旺角海鮮菜館

营业中

休息中

平时食海鲜都会入西贡或者去鲤鱼门，之前朋友推介呢间，话呢到啲海鲜中新鲜过西贡，抵食过鲤鱼门，所以决定一试！今次我哋拣咗$888至尊二人龙虾套餐，包左多款主打菜，有齐龙虾带子鲍鱼，即叫即捞即㓥即整。本人最爱饮汤，呢度嘅杏汁菜胆猪肺汤，清甜汤水香浓杏汁，入口即溶猪肺，仲有埋花胶。旺角二小福，我哋就拣咗白灼鲜猪脷同白灼鲜粉肠。 佢个猪脷配埋佢呢度自家制嘅辣椒油，麻香微辣。鲜粉肠比较粉同埋多油脂，呢个点辣椒豉油食正d，但个人比较偏好爽口嘅内脏。鲍鱼够爽口，清酒味唔会好重，酱汁甜甜地。用左成只波士顿龙虾，肉质新鲜淡淡结实龙虾肉，配搭粉丝同白胡椒炒，微辣滋味。蒜蓉粉丝蒸大元贝，粉丝比较爽口，蒜蓉提香元贝鲜味。咸蛋黄流沙酱配炸虾球，虾球超级新鲜，爽滑弹牙，外脆口内弹口。最后就系甜品，今日系芝麻糊，但系比系甜，冚左芝麻香。🥢整体来讲推介如果想食新鲜海鲜，人均消费对得住性价比。