大山日本料理

营业中

休息中

呢排好耐冇去旺角，原来西洋菜南街附近开咗好多餐厅，今晚比呢个招牌吸引咗，想食日本嘢但呢间价钱唔会太贵，非常抵食，要搭lift 上二楼，入面装修都充满日本风既居酒屋，摆满各式各样嘅日本清酒，环境一流。menu 有好多选择，花多眼乱。我哋要咗照烧鱿鱼筒、泡菜豚肉锅、日式炒杂菜。原条鱿鱼筒好大条，份量好多，烧得火候刚好，好鲜嫩，唔会过韧，配上照烧汁非常惹味。豚肉锅又系冇得输，泡菜小辣，好入味。最推介点了海胆蟹籽炒饭，炒饭用上日本米，炒至干身，饭更粒粒分明，更能突显海胆同蟹籽既鲜味，整体配搭一流。炒杂菜分量多，咁大碟先58。依家旺角好难揾到间咁抵食嘅日本居酒屋。下次会再泥试其他菜式，值得推介！