Amplifier Restaurant (花園街) (已結業)

今日庆祝朋友生日，拣左一间位于旺角楼上嘅餐厅食西餐，感觉都几好feel，今次拣左二人餐。头盘要左4只生蚝，侍应话系法国蚝，相当大只。另外仲叫左巴马火腿配蜜瓜同埋蒜香牛油田螺酥皮盒，酥皮盒有好香牛油味，夹埋田螺一齐食几好味。餐汤有蟹肉龙虾浓汤，好浓虾味。主菜就有香煎日本帆立贝蕃茄酱意大利粉，帆立贝有四只，相当大粒！意粉蕃茄酱偏酸，都几开胃。另一道主菜就系威灵顿牛柳，酥皮够香，牛柳够嫩，个磨菇酱都好香，连垫底嘅菠菜洋葱都好香，成道都好出色。是日甜品就系Oreo cheesecake，为呢一餐划上完美句号。