影片
更多
2023-01-18
82 浏览
旺角朗豪坊高质Fusion玩味川菜🌶️川庄📍旺角亚皆老街8号朗豪坊12楼12号舖「记住要共最美的人分享每个夜晚，别忘掉原是靠坚持医好每个伤患。」#青春颂 #许廷铿旅行返嚟继续约朋友食饭派手信，今日同朋友相约系朗豪坊行街食饭，行完街开始肚饿，大家都谂住试下D特色餐厅，咁啱见到依间川庄嘅招牌火辣艳丽，立即比佢吸引咗，就决定今晚食依间川菜。餐厅装修风格以红色做主调衬搭返川菜火辣嘅主题，坐枱空间阔落，环境舒服。每枱入座前已每位放置咗一杯八宝茶，加埋一个古色古香嘅茶壶比客人自助冲泡，新旧交融又有得玩嘅设计令到用餐体验几满意。-汤羹🫕-胡椒沙白海澡汤 $55 4.2/5 ⭐️-浓汤云吞鸡 $64 4.1/5⭐️今日天气显著转凉，我地见到餐单有几款汤羹即时点咗两碗靓汤滋润下。首先系胡椒沙白海澡汤，沙白份量丰富，味道鲜甜带少少胡椒味，好暖胃。另一款云吞鸡汤汤头浓郁，啖啖鸡汤鲜味非常滋润，鸡肉嫩滑，云吞饱满多汁，真材实料。-小食🍢-黑椒鸡泡鱼干 $48 3.8/5 ⭐️-七彩鸡翼拼盘 $95 4.2/5 ⭐️之后上枱嘅系两款小食，鸡泡鱼干稍稍过咗火喉同埋比较重黑椒味，个人口味上会钟意日式味醂味道多D。紧接住嘅七彩
川庄
📍旺角亚皆老街8号朗豪坊12楼12号舖
「记住要共最美的人分享每个夜晚，别忘掉原是靠坚持医好每个伤患。」
#青春颂 #许廷铿
旅行返嚟继续约朋友食饭派手信，今日同朋友相约系朗豪坊行街食饭，行完街开始肚饿，大家都谂住试下D特色餐厅，咁啱见到依间川庄嘅招牌火辣艳丽，立即比佢吸引咗，就决定今晚食依间川菜。
餐厅装修风格以红色做主调衬搭返川菜火辣嘅主题，坐枱空间阔落，环境舒服。每枱入座前已每位放置咗一杯八宝茶，加埋一个古色古香嘅茶壶比客人自助冲泡，新旧交融又有得玩嘅设计令到用餐体验几满意。
八宝茶
7 浏览
0 赞好
0 留言
-汤羹🫕
-胡椒沙白海澡汤 $55 4.2/5 ⭐️
-浓汤云吞鸡 $64 4.1/5⭐️
今日天气显著转凉，我地见到餐单有几款汤羹即时点咗两碗靓汤滋润下。
首先系胡椒沙白海澡汤，沙白份量丰富，味道鲜甜带少少胡椒味，好暖胃。
另一款云吞鸡汤汤头浓郁，啖啖鸡汤鲜味非常滋润，鸡肉嫩滑，云吞饱满多汁，真材实料。
胡椒沙白海澡汤
7 浏览
0 赞好
0 留言
浓汤云吞鸡
8 浏览
0 赞好
0 留言
-小食🍢
-黑椒鸡泡鱼干 $48 3.8/5 ⭐️
-七彩鸡翼拼盘 $95 4.2/5 ⭐️
之后上枱嘅系两款小食，鸡泡鱼干稍稍过咗火喉同埋比较重黑椒味，个人口味上会钟意日式味醂味道多D。紧接住嘅七彩鸡翼拼盘上枱非常吸睛，打卡一流，每只鸡翼都配上唔同酱料，啱哂选择困难症同食肉兽人士，特别钟意沙律酱同韩式辣酱味，前者酸酸甜甜，后者令鸡翼更加惹味。
七彩鸡翼拼盘
8 浏览
0 赞好
0 留言
-主菜🍲
-招牌酸菜鱼(例牌) $268 4.3/5⭐️
餐厅以川菜为主打，除咗水煮鱼/牛系列之外，点少得酸菜鱼，仲有得拣唔辣方便唔食辣嘅朋友，颇为贴心。酸菜鱼上枱非常抢眼，因为例牌份量都已经非常丰富，相信足够4人份量进食，酸菜铺满整个汤窝，而且鱼肉爽口，配搭红薯粉一齐入口非常满足，两人对分足足分到4碗有多，非常高性价比。
另外不得不提侍应好贴心，除左不时帮我地换碟之外见到我地想饮汤仲主动提供汤碗比我地，好细心。
招牌酸菜鱼
16 浏览
0 赞好
0 留言
-甜品🍨
-咱家制花椒雪糕 $58 4.4/5⭐️
-拔丝士多啤梨$125 4.4/5⭐️
虽然已经好饱，但甜品依然要叫，首先要介绍嘅依杯花椒雪糕纯粹系比名吸引咗，外表唔算特别，但估唔到内有干坤，雪糕食落带有花椒麻香，取其麻而不辣，食完味蕾少少麻痺，非常有趣嘅体验，想试新奇野嘅朋友好推荐。
最后嘅拔丝士多啤梨出场非常震撼，龙卷风型嘅糖浆拉丝非常吸睛夺目，绝对系考功夫考心机嘅一项菜色，叉起拉丝底下嘅士多啤梨拌上糖丝一齐进食，口感变得外脆内软，而且混和士多啤梨嘅酸甜，将味道提升一个层次，又系一个有趣嘅体验。
咱家制花椒雪糕
21 浏览
0 赞好
0 留言
拔丝士多啤梨
13 浏览
0 赞好
0 留言
-饮品🍹
-八宝茶 每人一盅 4.2/5 ⭐️
-粉红荔枝缤纷沙冰 $58 4.2/5 ⭐️
-青苹果乳酪特饮 $48 4.2/5 ⭐️
餐厅系饮品方面亦好有心思，每人一盅嘅八宝茶都用料丰富，红枣、桂圆、枸杞、龙眼、冰糖、茶叶等一应俱全，仲可以自己冲泡，既滋润又解辣，一次满足哂。
另外叫咗两杯饮品亦都非常有水准，青苹果乳酪颜色缤纷之余味道酸酸甜甜十分唔错，而沙冰大杯之余冰凉透心，亦系解辣之选。
八宝茶
9 浏览
0 赞好
0 留言
10 浏览
0 赞好
0 留言
总结: 餐厅以川菜做主打，但装修风格同食物出品都添加创新元素，食物份量丰富，又有特色，犹其钟意花椒雪糕同拔丝士多啤梨，系味道同视觉上都有唔同嘅体验，推荐比钟意食传统惹味川菜之余又想试新玩味菜式元素嘅朋友一定要嚟试下。
====
#川庄
#旺角美食#朗豪坊#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相机食先 #香港美食
#川菜#酸菜鱼#八宝茶#花椒雪糕#拔丝士多啤梨
====
有兴趣睇更多好西推介，或者大家有好西Share，请大家Follow下我IG，比D支持✨：@healoop.foodie
张贴
