八居酒屋 (旺角新城)

营业中

休息中

今日约左朋友去旺角食饭,碌openrice见到旺角有间八居酒屋,记得之前食过尖沙咀天文台道八居酒屋唔错,再睇发现原来都系同一间,系旺角开左分店。尖沙咀系主要食串烧,旺角分店食物种类比较多,有刺身、寿司、串烧、烧物等等。餐厅位置信和附近,都几方便,环境唔错,好宽敞,坐得几舒服。餐厅用QR code 落单,食物真系好多选择。仙台厚烧牛舌系餐厅招牌菜,牛舌厚切口感丰富,烧得唔错,食落外脆内软,肉质鲜嫩,一D都唔韧,推介。 盐烧脆白鳝烧到层皮好脆,但唔会烧到好干,可以保留肉汁,肉质弹牙。汁煮左口鱼边,左口鱼边有火炙过,入口即溶,好重鱼油,食落好香。𩽾康鱼肝一D都唔腥, 口感绵密,估唔到呢间餐厅都有得食。八~寿司盛有8件手握寿司,每件寿司味道都唔错,整体都好食。最后餐厅仲有2杯雪糕送,拣左伯爵茶橙味同朱古力味,雪糕系香港制造,几好食。每个客人仲会有一次夹公仔机会,夹波波计分,就可以即时换唔同小食或饮品,好易夹到,我地今次夹到换荧光鱿鱼渍,又有得玩又有得食。