影片
更多
2022-01-07
510 浏览
今日嚟到试吓个二人晚市套餐！咁我哋大约1930到，个日系闲日嚟，可能因为舖头唔大，位唔多，我哋大约等咗半个钟先可以入座，所以想嚟嘅朋友可能book定位先！🔺南瓜忌廉汤都几 creamy 啊，不过南瓜味唔重，整体不过不失啦！🔺海鲜拼盘有4X青囗、2X蚬、2X虾、2X螺、2X带子、4X生蚝，可以点辣酱/wasabi/烧汁。个人认为生蚝略腥，其他就比较易入口。😰钟意海鲜嘅朋友可能会更加喜欢，不过因为个人囗味，我就麻麻哋呢个。🔺菠萝特饮酸酸甜甜咁，好开胃，仲几大杯添，配啲海鲜食就几夹。🔺炸虾、薯饼最好味系呢个！炸虾炸到金黄色，外皮够晒脆，但入面虾肉又唔会好粉，配埋沙律酱食，我比100分！个薯饼好似沟咗啲蟹肉，食落唔会好似普通薯饼咁单调。😍🔺蒜蓉白汁蚬肉意粉虽然蚬得4只(略少)，而且意粉个底有啲油，不过蒜蓉同洋葱味好足，食落好香口，都唔错！
今日嚟到试吓个二人晚市套餐！咁我哋大约1930到，个日系闲日嚟，可能因为舖头唔大，位唔多，我哋大约等咗半个钟先可以入座，所以想嚟嘅朋友可能book定位先！
🔺南瓜忌廉汤
都几 creamy 啊，不过南瓜味唔重，整体不过不失啦！
🔺海鲜拼盘
有4X青囗、2X蚬、2X虾、2X螺、2X带子、4X生蚝，可以点辣酱/wasabi/烧汁。个人认为生蚝略腥，其他就比较易入口。😰钟意海鲜嘅朋友可能会更加喜欢，不过因为个人囗味，我就麻麻哋呢个。
🔺菠萝特饮
酸酸甜甜咁，好开胃，仲几大杯添，配啲海鲜食就几夹。
🔺炸虾、薯饼
最好味系呢个！炸虾炸到金黄色，外皮够晒脆，但入面虾肉又唔会好粉，配埋沙律酱食，我比100分！个薯饼好似沟咗啲蟹肉，食落唔会好似普通薯饼咁单调。😍
🔺蒜蓉白汁蚬肉意粉
虽然蚬得4只(略少)，而且意粉个底有啲油，不过蒜蓉同洋葱味好足，食落好香口，都唔错！
张贴
