越風味地道越南料理

营业中

休息中

星期五放工约左朋友食越南嘢，放工之后就搭地铁到油麻地落车，A出口行2，3分钟就到既「越风味地道越南料理」（旺角）。晚餐时间全场满座。越风味蟹膏海鲜炒饭。呢个炒饭好好食！新鲜滚热辣，而且一上枱嘅时候就觉得炒饭嘅香气扑鼻，而且炒岀黎嘅米饭粒粒分明，感觉炒功一流。食到超级饱满之处，又有虾仁等海鲜作为为食材，吃起黎好清爽，完全唔会有一种油腻嘅感觉。香茅牛肉捞檬。牛肉好香香矛味，我本身已经好钟意d檬粉既口感，捞埋个越南酸汁一齐食，酸酸地既味道，搞到越食越想食啊！我同朋友都好钟意食软壳蟹，所以就叫左两个有软壳蟹既越南菜！蒜蓉牛油软壳蟹，好香好脆，唔油腻！芒果软壳蟹米纸卷，米纸烟烟韧韧，外软内脆，口感层次丰富既一道越南菜！嘢饮就叫左呢度既自家煲香茅姜茶，清香既香茅加上浓浓既姜味，又暖身又暖胃！新鲜椰青冻饮呢个椰青非常多水，而且非常够凉够冻～满满的嘅椰青水一下饮落去劲有清凉感！饮完椰青水之后，仲可以食埋啲椰青肉添！