Khon Kaen

营业中

休息中

星期五晚，我同太太去咗旺角一间泰国餐厅食晚餐，主打泰式串烧。我哋叫咗几款特色菜式，想同大家分享一下。首先，我哋叫咗越南猪肉卷。口味独特，肉味浓，呢个菜式第一次食，平时系其他餐厅都无见过。而我地一致最推荐系佢个酱！酸酸辣辣好过瘾，我地觉得佢比一般泰式辣酱更加惹味！接著，我哋叫咗串烧拼盘。拼盘包括生菜包、烧鸡全翼、烧司华力肠、烧猪颈肉同埋烧鸡肾。最好食系烧猪颈肉，表面有啲香甜，应该系加咗蜜糖。虽然系拼盘，但份量都唔少，适合两个人分享！虽然单点猪颈肉只可以一块咁叫，要$1xx，唔叫平，但我同太太觉得呢个可以再encoure，送酒一流。佢个烧鸡翼都好食，见到好多人黎叫外卖，相信应该都好受欢迎。最后，想提一下佢地既冻水。有趣嘅系，佢地既冻水系用维他蒸馏水。XD 虽然同食物无直接关系，但都系一个有趣嘅细节。总括嚟讲，呢间泰国串烧餐厅系一个唔错嘅选择。如果你钟意泰国菜式同串烧，不妨试下。