阿來泰式地道風味

营业中

休息中

今日去到旺角先达附近揾野食，通菜街原来有好多餐厅，我就揾到呢间阿来泰式。叫左一个小食一个饭一个主菜，先黎既系牛油鸡翼，同一般既牛油鸡翼有少许分吃，唔系有好厚炸粉拎去炸果一种，呢种炸鸡翼睇落冇咩特别，但系食落有浓浓既牛油味，但系又唔肥腻，真系食多几只都唔腻。再黎就系泰皇咖哩软壳蟹，泰皇咖哩睇落系唔辣，食落就知个功夫所在，个汁最啱就系要黎捞饭，而咖哩配既炸软壳蟹亦都出奇地夹，软壳蟹炸得脆脆地，点埋咖哩汁真系食得落几碗饭。最后叫左个辣椒膏虾头油海鲜炒饭，食落辣辣地又惹味，而且配料十足，虾、墨鱼仔、蟹柳，真系一个唔错既选择。最后重有杯青柠梳打，食泰菜又点可以唔叫杯青柠梳打呢。最后要赞既系餐厅每碟都好大份，多人食都唔惊分唔到！