影片
更多
2024-08-07
127 浏览
形 (KATACHI BAR & KUSHIYAKI)旺角砵蘭街240-244號文華商場3樓冇諗到旺角站附近就有間咁chill嘅居酒屋bar! 今日小編早收工同朋友去咗朗豪坊行街 。到咗晚飯時間，估唔到搵到正對面文華商場就有呢間餐廳。餐廳座位闊落，燈光唔會好似其他Bar咁黑媽媽，環境幾舒服，入到去就會見到一個大電視機播住懷舊K歌📺🎵 幾啱聽有feel😂 另外哩度仲有得篤波🎱 、掟鏢🎯 ，同埋其他board game &啤牌🃏玩，一大班friend嚟玩絕對啱晒👍👍 一開波小編同朋友都各叫咗一支手工啤飲先，酒精濃度唔高加上水果味好易入口🍺🍺 。食物質素方面整體上算高分，今次嗌咗嘅佐酒小食/串燒🍢有：1. 椒鹽粟米🌽 - 作為開胃小菜好適合，椒鹽嘅微微鹹辣同粟米嘅甜味好夾，看似製作簡單，但往往都係小編常點嘅小菜2. 海鮮系列🐟（鯖魚, 多春魚, 煙三文魚） - 小編好鍾意鯖魚嘅油香味，經過烤製魚油香更加濃郁，外皮酥脆而肉質唔會柴👍👍；多春魚唔使講 魚籽滿滿脆卜卜 又係香口野 送酒一流3. 肉肉系列（雞柳&雞中翼串🐔、台灣腸、日本黑豚肉五花腩🐷） - 小編特別覺得雞翼同五花腩兩樣好有水準，雞翼
旺角砵蘭街240-244號文華商場3樓
冇諗到旺角站附近就有間咁chill嘅居酒屋bar! 今日小編早收工同朋友去咗朗豪坊行街 。到咗晚飯時間，估唔到搵到正對面文華商場就有呢間餐廳。餐廳座位闊落，燈光唔會好似其他Bar咁黑媽媽，環境幾舒服，入到去就會見到一個大電視機播住懷舊K歌📺🎵 幾啱聽有feel😂 另外哩度仲有得篤波🎱 、掟鏢🎯 ，同埋其他board game &啤牌🃏玩，一大班friend嚟玩絕對啱晒👍👍
一開波小編同朋友都各叫咗一支手工啤飲先，酒精濃度唔高加上水果味好易入口🍺🍺 。食物質素方面整體上算高分，今次嗌咗嘅佐酒小食/串燒🍢有：
1. 椒鹽粟米🌽 - 作為開胃小菜好適合，椒鹽嘅微微鹹辣同粟米嘅甜味好夾，看似製作簡單，但往往都係小編常點嘅小菜
2. 海鮮系列🐟（鯖魚, 多春魚, 煙三文魚） - 小編好鍾意鯖魚嘅油香味，經過烤製魚油香更加濃郁，外皮酥脆而肉質唔會柴👍👍；多春魚唔使講 魚籽滿滿脆卜卜 又係香口野 送酒一流
3. 肉肉系列（雞柳&雞中翼串🐔、台灣腸、日本黑豚肉五花腩🐷） - 小編特別覺得雞翼同五花腩兩樣好有水準，雞翼皮脆肉嫩多汁；黑豚肉油脂分布均勻，肉質綿密有彈性而且肥膘部份柔滑唔會過多。
4. 邪惡之選 （原條燒茄子🍆） - 茄子外皮焦脆，瓜肉軟糯，配上鋪喺面滿滿嘅蒜蓉🧄同醬汁 超級無敵惹味❤️❤️
#旺角串燒#旺角好去處#旺角樓上居酒屋#旺角居酒屋#旺角餐廳#旺角酒吧#旺角bar#mongkok#hkig#hkfoodie#旺角探店
张贴
