亞參雞飯 (已搬遷) 新店位置

今日喺旺角行街行完之后要揾地方医肚见到呢间亚参鸡饭，主要食东南亚嘢星马菜，试吓新口味平时少机会食。见到佢晚市价钱唔系特别贵，首先要左两款小食，一款系马来咖咉多士，呢款小食要趁热辣辣食咗先，因为佢多士烘到香脆，之后中间夹住厚切牛油同埋咖咉酱，面包嘅热力会整到中间嘅馅料半溶状态，一啖咬落去层次好丰富。另一款系脆虾饼，呢款虾饼唔同平时我哋食开嘅泰式炸虾饼，佢系直接好似用紧虾胶整成嘅虾饼，所以肉质比较弹牙，好食！主菜系海南鸡饭，佢会跟个鸡汤。呢款海南鸡系属于新加坡𠮶只，所以会有三种酱。一个系辣酱，一个系黑豉油，同一个系姜蓉。鸡肉都会比较嫩滑，采用文东鸡，啖啖肉，精粹系配上油饭，惹味很多。另一款系明炉酸辣亚参鱼，鱼大大条，唔会好多碎骨，鱼肉分明，容易进食。佢上面有好多番茄香洋葱等，食落酸酸甜甜好开胃，用来配饭一流。另外两杯嘢饮，柑桔特饮同薄荷特饮，够哂清爽解腻！