初芋 (已結業)

今日同朋友去旺角行街，记得西洋菜街有间好hit嘅甜品店，一路冇去食，今日决定试试！舖头有好多人好热闹，食物选择都几丰富。红莓谷（一人份）$78夏天咁热，梗系要食返份冰。餐厅供应四款冰，我哋拣咗士多啤梨味。啲冰食落好软绵，入口即溶，而且本身已经带牛奶味，甜甜地。面头再铺满士多啤梨粉，食落有啲似士多啤梨牛奶味嘅珍宝珠。冰下面仲有寒天、士多啤梨啫喱等材料，口感丰富。赏鲜小拼盘（可选其一）$58估唔到甜品店都有卤水拼盘食，好特别！我哋拣咗2号，有齐鸭肾、花枝丸、豆腐卜同枝竹。一人份量都有四款食物，非常好，而且卤水汁好香！我最钟意豆腐卜同埋枝竹，两者吸收晒卤水汁，好入味！玫瑰荔枝四季春 $38朋友话依杯嘢饮玫瑰花味好浓。面头奶盖质地厚身，识落忌廉味重。奶盖乌龙茶$38乌龙茶就清清地，可以解腻。