大家食

营业中

休息中

由细到大我都好钟意食米线，而除咗谭仔之外，大家食都算系一间我几钟意食嘅米线专门店。主要钟意佢哋嘅过山鸡，个人感觉佢嘅口味就好似鸡煲煮法嘅鸡，而且佢哋另外有手搅面同刀削面，可以唔使拣米线，我个人觉得佢哋嘅手搅面相比米线同刀削面面更加好食，因为比较有咬口同弹牙。一如既往佢哋嘅火山鸡米线配酸辣汤底我系更浓郁好食，但系今次食完之后真系几口渴，明显感觉到系几重味精。而另外我地点嘅刀削面就一般般，主要太大块令到面底唔太入味，比较淡，都系比较米线同手搅面会好食啲，不过未试过所以试吓新野啦。另外有点佢哋一款小食凉拌鸡翼尖，食咗一只发现酸左变咗，但店员都好快帮我哋取消咗个订单。