貴川風味館

营业中

休息中

我一直系贵川嘅fans，米线店来讲佢都算数一数二好食。加上旺角百物腾贵，平民米线店就恍如救星一样。招牌酸麻辣米线 $27+腩肉 $9+鱼蛋 $6+ 唐生菜 $6我最钟意呢个汤底够浓味，拣中辣已经够，食到我大汗揼细汗。米线分量足够，面质软硬程度刚刚好，系我钟意嘅口感。配料方面，腩肉真系冇得输，够腍身，又入味。鱼蛋都算弹牙，但得三粒少咗d。由于我得一支公，所以冇嗌小食，下次同朋友来一定会嗌埋皮蛋、口水鸡，都系我的至爱！