梁慶記

营业中

休息中

同朋友去旺角行完街，突然记起有间米芝莲推介餐厅喺附近，于是就决定喺度食晚餐，叫咗以下食品: 招牌虾籽捞面 - 简单以虾籽加落粗面捞埋食，就最直接食到虾籽嘅原味，虾籽鲜味，炒得很香，粗面弹牙无碱水味，配上大地鱼汤同吃很舒服。虾籽牛筋腩捞面 - 牛筋腩炆得入味，牛筋炆得淋但又保留咬口，牛腩软淋唔会嚡，幼面同样弹牙无碱水味，正。笼仔腩汁菜芯 - 菜芯本身质素很好，很嫩很甜，白灼完再加腩汁调味，就已经好好食。笼仔巨鱼旦 - 鱼旦弹牙有鲜味，唔错。笼仔墨鱼饼 - 墨鱼饼食落烟烟韧韧，口感几得意。笼仔炸云吞 - 云吞系属于一口一啖𠮶款，炸得酥脆，加埋鸡酱更惹味。招牌猪扒包 - 猪仔包烘得松脆，猪扒腌得入味，但又松软多汁，加埋香甜嘅洋葱，好味。笼仔猪颈肉 - 猪颈肉煎得香口又唔柴。中笼仔五花腩 - 五花腩肥瘦相间，好惹味。冻奶盖芝士朱古力 - 奶盖芝士令香浓嘅朱古力更香滑。冻奶盖芝士红豆冰 - 红豆冰加上奶盖芝士更重奶香味。冻葡式樽仔奶茶 - 奶茶香滑，茶底浓厚，唔会过甜。冻柠乐 - 柠檬新鲜大大块，令整体柠味更浓。