水蜜桃冰室 (已結業)

圣诞节到喇，为咗唔想同人逼，我每年都会提早食圣诞大餐！今次喺旺角发现一间平靓正嘅cafe，一定要介绍比大家知！呢间餐厅叫水蜜桃冰室，喺通菜街，一入到去好有怀旧气氛，播著音乐，好似入咗时光机咁。我哋一打开餐牌，见到好多野都好想叫，跟著就谂到一人叫一个set！先来一个南瓜浓汤，配上脆卜卜嘅蒜蓉包，好正！我叫咗一个铁板烧纽西兰西冷配薯菜，侍应哥哥好贴心，帮我淋上黑椒汁，香喷喷，之后再加小小清酒，再点火，好似个火焰牛排咁，又玩得又食得，个薯条好脆，西冷有小小肥，先好食，块排大个我块面，又稔，真系坚抵食！我朋友叫咗个熊本一口牛套餐，而家做紧个六五折优惠，牛肉有雪花，脂肪分布均匀，又得自己烧，好好玩，配埋饭一齐食，平凡中的不平凡！除咗以上嘅套餐，我地太馋食，又叫多一个汁烧鳗鱼蛋包饭，鳗鱼一大条，又烧得香，蛋又浓味，真系唔错！呢度嘅小食都唔错啊，日式蟹肉炸薯饼脆卜卜，芝士焗田螺好香芝士味！最后食个由日本嚟嘅鲜果雪葩，我地分别拣咗个椰子雪葩同南瓜雪葩，椰子雪葩够甜，又滑；南瓜雪葩ok！今年嘅圣诞节真系好难忘，推荐大家去试下！