AnyMomentCafé

营业中

休息中

约咗位年轻人旺角食晚饭，年轻人话订位带我去好地方食嘢，系一间楼上Café,位于📍旺角登打士街36号恒威商业中心9楼，虽然在闹市大街，入口却不起眼，登打士街行入后巷几步才见到，上到去café没有华丽装修，但有种好亲切嘅感觉，坐位好舒适，放置有好多桌上游戏可以玩。叫咗两个主食，韩式牛肋条饭，牛肋条炆得好入味，韩式黑椒汁惹味，个白饭以熊仔形状上碟几得意，后来留意到隔离枱系鸭仔同恐龙形状嘅白饭，真系几搞笑，食落都开心啲。 地中海香蒜鸡柳意粉，鸡肉嫩滑有味道，意粉质感刚好留有少少烟韧口感，用香蒜炒过好香，味道唔错。芝士炸薯条，薯条炸得非常香脆，芝士酱甜甜地、咸咸地，调配得好好，加入薯条好匹配，超级好食。特饮全部另配名字好吸引，我地点了伊斯坦堡气派，主要由火龙果+雪梨果肉搅拌而成，满满嘅火龙果肉同菠萝结合，清新解腻。另一杯布达佩斯由芒果+香蕉制作，同样好饮香蕉味浓。Any Moment Café绝对系三五知己，情侣拍拖食饭，消闲嘅好选择，店内只有老板一手包办，同客人有讲有笑好亲切，café店舖面积唔大，建议大家先预订，仲可以包场搞活动开party，认真唔错。