河內越式料理 (西洋菜南街)

营业中

休息中

到旺角同客户开会开得好迟，见到哩间铺头都几人气，咁试试啦。晚市都几多嘢食拣，60左右已经有碗粉面或者饭。椰子冰，椰子味好浓郁，不过唔会好甜，啱晒女仔饮。热奶茶，奶和茶味balance得几好，饮落好顺滑。香茅鸡翼（2件），鸡翼烧得啱啱好，皮脆啵啵，内里好嫩，鸡翼预先腌制过，好够味。越式猪颈肉（细），细份猪颈肉分量都几多下，仲搭配埋泰式酸辣酱。猪颈肉食落好弹牙，唔会觉得柴，唔错。河内扎肉汤河粉，汤底好浓郁，饮得出系落足料黎煲，食完唔会口渴，味精落得唔多。扎肉大件件都有4-5件，仲伴有芽菜等配料，好食。顺化番茄蟹肉扎肉汤檬，汤底番茄味好重，蟹肉分量好多，仲有豆卜，扎肉等配料，叫咗少檬都好大一碗，落埋辣椒同青柠更加好味。求其一餐都几惊喜，难怪晚市全full，仲不停有客人walk in，应该都有好多街坊帮衬哩间小店。