Sky726

今次同朋友嚟到旺角呢间西餐厅食饭，都几有情调，可以分享下。餐厅坐落于25楼，一则有排落地大玻璃可以睇到旺角夜景，好岩打卡同睇住靓景饮酒，可惜当天冇安排到我地坐靠窗位。我哋叫咗两个主菜+一个小食，份量正常。 留意到好多客人都叫左cocktail，个人觉得环境都几适合同朋友/情侣饮酒倾偈👍🏻香草烧春鸡半只 $188烧春鸡应该系有充分地腌过，有浓郁嘅香草味，肉质嫩口多汁，都不错👍🏻薯角略嫌有少少干。慢煮黑毛鞍猪扒配意大利黑醋汁 $188猪扒厚身，因为系慢煮嘅缘故，切开咬落去都比较霖，有黑醋汁配搭，都算系正常发挥。炸鸡软骨粒 $88正常发挥，炸得香脆，岩配酒饮👌🏻总括来讲呢度环境都算有格调，加上落地大玻璃靓景，系一间比较适合朋友/情侣黎饮酒倾计的餐厅。个人觉得餐牌定价接近尖沙咀地舖价钱，对标食物质素嚟讲，性价比略低。