小茶堂 (已結業)

近排呢间铺头经常喺IG老是常出现。不过估唔到实物攞上手又真系几靓㖞！虽然见到好多人介绍，但小编𠮶日去到系完全唔使排队。佢地呢度嘅饮品全部都可以拣甜度，不过就系改变黑糖珍珠嘅甜度，所以大家可以自行斟酌想饮几甜😂不过个人觉得佢哋珍珠质素浮动𠮶个range都几大下。另外不得不提佢哋珍珠嘅份量真系俾得超级多，饮晒之后都仲有珍珠剩低。🍴黑糖珍珠小山园抹茶拿铁［微甜］虽然呢一杯嘅价钱就同其他茶饮店嘅价钱差唔多，不过质素来讲确实有惊喜。虽然攞上手唔多见到拿铁特有嘅渐层效果，但饮品入口嘅抹茶味香，而且冇粉粒👍而且仲可以饮到有好香好浓嘅明治鲜奶味添！不过由于黑糖珍珠嘅甜度中和左抹茶嘅苦涩味，所以饮品入口只会饮到好香嘅黑糖味同抹茶味，唔会饮到有苦涩或者回甘。黑糖珍珠有好重嘅黑糖味，而且口感烟韧但偏向比较软糯。🍴黑糖珍珠奶茶饮品胜在价钱够亲民，但味道就非常一般。首先个奶茶底方面，入口比较重奶味，但茶味偏淡。另外由于叫咗正常甜到嘅黑糖珍珠，所以饮品入口整体非常甜，而且珍珠入口亦都只系食到有甜味，黑糖味会比较淡。所以建议大家可以考虑由半糖起跳咁拣落去。饮品价钱合理，但未至于话会encore，不过可能下次会再试吓