越風味地道越南料理

营业中

休息中

越风味地道越南料理位于旺角，今日同阿仔买完波鞋，就过嚟开餐。餐牌选择有好多，有越式汤河/檬类、越式捞檬类、太阳蛋饭类、越式咖喱饭、越风味明火即炒粉/饭、越式法包、越风味手工米纸卷、越风味沙律、越风味厨师推介、越风味特饮、港式饮品及啤酒。香茅牛肉太阳蛋饭：牛肉煮得软腍，味道调教得宜，点埋蛋浆食，口感更加滑，用太阳蛋既蛋汁加埋牛肉汁嚟捞饭，轻易就成为一道美食。咖喱鸡扒饭：餐厅对火喉控制得好准确，咖喱做得很出色，同时食到咖喱及椰浆味道，香浓而不辣，鸡扒煎得香口，肉质嫩滑，沾满惹味咖喱一齐食，别有一番风味。越式虾多士：三角形状既多士，外表炸得金黄酥脆，内里既虾胶鲜甜，入口顺滑，加埋上面既芝麻，味道有惊喜。总括嚟讲，食物有水准，味道出众，价钱亲民，越风菜推介。