阿來泰式地道風味

营业中

休息中

好耐冇睇过早场，同朋友向朗豪坊睇完戏，见差不多12点，又到午饭时间，朋友话想食泰国菜，我就带佢黎先达隔离既‘’阿来‘’食正宗地道泰国菜。平时午市时段，‘’阿来‘’2层都会坐满食客。经常要等位，如果唔想等位，最好就早少少入座。因为今日未到午饭时段，所以餐厅仲未坐满，我第一次唔需要到上层入座☺️。因为今朝冇食早餐，超级肚饿，所以我同朋友除左点左阿来海南鸡饭配青柠梳打外，仲点左泰式铁板蚝仔蛋；好耐冇食既泰式明炉乌头同甜品芒果糯米饭。阿来海南鸡饭鸡肉好嫩滑，鸡皮爽薄，配上酸酸辣辣既泰式酱汁，非常惹味！泰式铁板蚝仔蛋与潮州蚝烙不同，泰式蚝仔蛋比较似台式蚝仔煎。蚝仔蛋只用蛋，没有落木薯粉，所以食落口感很滑，蘸上辣酱食就更加美味😋泰式明炉乌头汤汁味道酸酸辣辣，鱼肉吸满汤汁，愈食愈开胃。伴碟既秀珍菇亦吸满左酸辣汤汁，连埋鱼肉一齐食，又系食唔停口！芒果糯米饭传统既泰式甜品，成日食芒果糯米饭既我，本以为会冇乜惊喜。但整餐饭我却最欣赏佢。芒果香甜，微热软糯既糯米饭配上咸椰浆，真系非常滋味，比出面一般既泰式餐厅做得更出色。