澳門翠苑餐廳

营业中

休息中

不久之前见到朋友脸面上载左一张咖喱配农夫包既相，觉得好得意，好钟意食咖喱既我梗系揾机会黎试下啦。位于旺角熟食中心既澳门翠苑茶餐厅，朗豪坊行过去都系2分钟左右，平日夜晚7点钟黎到，净返既位唔系咁多，都系要等下架啦，而咁多间食店当中，最吸引既当然系呢间澳门翠苑茶餐厅啦。虽然系系熟食市场里面，但系叫完野食唔使自己拎，仲有专人送餐添，除此之外呢到都算几干净添。睇过餐牌之后，唔洗谂就已经决定叫呢个咖喱鸡农夫包啦。等左10分钟左右，终于有得食啦。一个餐有农夫包配鸡，咖喱汁，饮品，仲有罗宋汤。个餐送到上黎既时候，真系吓左一跳呀，好大个包呀，仲要有钖纸包住，咖喱汁另上，最贴心既系有埋手套，方便客人用手食包，比某著名美式炸鸡快餐店更加贴心呀。我急不及待就打开左个包，个包中间有个洞，好似一只碗咁，入面有好多鸡，无十件都有八件呀！个包外脆内软，一路食一路系到点D咖喱汁，正到爆呀。罗宋汤料落得够足，仲要好够蕃茄味，一向都钟意食蕃茄既我真系觉得佢好好饮。其实一个餐对于一个女仔黎讲份量真系有D多，2个女仔Share就差唔多啦。