第三站

今日同朋友黎左旺角嘅一间楼上Cafe，今次约咗朋友，所以都想拣返个地点方便的餐厅 依个场都唔细架 好岩同朋友聚会，价钱抵食 就算食多几样都唔会肉痛大热天我哋一坐低就叫咗两杯梳打嘢饮，味道都几唔错，够晒清凉 同埋我钟意佢唔会太甜 另一个朋友就叫咗花茶 佢比较养生 花茶上嚟𠮶阵仲系一壶咁上，又系打卡位嘢食方面我哋叫咗蚬肉意粉，蒜香味，但食落都有少少辣，食得辣嘅人就觉得惹味，唔食得嘅就要小心啲啦，蚬肉鲜味得黎又冇咩沙，而且都几多，几开胃另外想讲个鸡翼真系好值得叫，又睇得又食得 一睇就知道外皮系微微焦香，但入边其实好嫩滑，其实我觉得我自己一个都可以食得晒最尾我哋仲叫咗个蓝莓芝士蛋糕，芝士味都好重，口感我觉得就偏向美式一啲