影片
更多
2021-11-01
107 浏览
上星期五晚约咗旺角交收，所以难得地去旺角揾食，见到有间新开嘅墨西哥菜几盏鬼，就即刻book位try try👅位于唐楼嘅上层，好彩餐厅贴心咁系楼梯大大只字咁贴咗餐厅名，如果唔系揾到癫都净系见到一堆时钟酒店🌞________________________👅Mobin UFO 芝士飞碟包（$105）7.5/10全晚最正同有惊喜嘅系呢兜，一大块香煎芝士上面加咗旧口感烟韧嘅鲜奶墨西哥包，就咁食旧芝士有啲济同咸，但夹埋甜甜地嘅包一齐食真系停唔到口😗不过真 • calories bomb🥲左边系太阳蛋加烟肉加自家制德国酸菜on bread，mix 埋啲椰菜沙津，酸酸地几开胃👅15香料炖牛肉炒饭配煎蛋 ($95) 6.8/10朋友话好想试呢个饭，份量嚟讲收货，唔算太辣几香口，食落似加咗肉松同黑豆嘅叉烧炒饭🌚正常发挥，食落无咩惊喜，但都要赞下个饭炒得够干身同个流心太阳蛋煎得啱啱好，饱肚之选👍🏻👅粟米番茄炖猪手肉酱烤脆饼($85) 6.9/10肥西出名条脷西，个人仲西，选择困难只好叫店员推介cracker🧘🏻Tbh食落主要就系普通肉酱味，猪手粒份量唔多，间唔中咬到少少胶质咁啦。店员提我地可以敲碎嚟食，
________________________
👅Mobin UFO 芝士飞碟包（$105）7.5/10
全晚最正同有惊喜嘅系呢兜，一大块香煎芝士上面加咗旧口感烟韧嘅鲜奶墨西哥包，就咁食旧芝士有啲济同咸，但夹埋甜甜地嘅包一齐食真系停唔到口😗不过真 • calories bomb🥲左边系太阳蛋加烟肉加自家制德国酸菜on bread，mix 埋啲椰菜沙津，酸酸地几开胃
👅15香料炖牛肉炒饭配煎蛋 ($95) 6.8/10
朋友话好想试呢个饭，份量嚟讲收货，唔算太辣几香口，食落似加咗肉松同黑豆嘅叉烧炒饭🌚正常发挥，食落无咩惊喜，但都要赞下个饭炒得够干身同个流心太阳蛋煎得啱啱好，饱肚之选👍🏻
👅粟米番茄炖猪手肉酱烤脆饼($85) 6.9/10
肥西出名条脷西，个人仲西，选择困难只好叫店员推介cracker🧘🏻Tbh食落主要就系普通肉酱味，猪手粒份量唔多，间唔中咬到少少胶质咁啦。店员提我地可以敲碎嚟食，块饼够脆，夹埋啲料食都香口嘅，不过会食到有啲论尽(有机会系我问题….）
👅墨西哥香烤鸡翼 ($78) 6.8/10
六只中size 鸡翼，request 咗要辣啲但都唔系好辣😌食落就系蜜糖鸡翼+ cajun粉嘅味，唔会出错嘅combo，味道中规中矩，但中间个堆自家制椰菜丝沙律依旧好吃🥗
👅Maria Margarita Classic ($75) 6.4/10
秉承住西脷嘅传统，肥西去到边都会有酒精👍🏻呢到嘅cocktail算平，味道就正常啦，全部偏易入口，所以满足唔到酒鬼我🤡 tequila + lime + Cointreau : 偏甜，好彩杯边有海盐吊一吊阵酒味，几fresh，啱夏天食嘢前饮返几啖🧊
👅Tom Collins ($75) 6.2/10
Gin + lemon juice + sparkling water 饮落系柠檬茶味，冇酒味，打卡几好，就系咁🌞
_______________________
呢到装修系复古轻工业风，座位宽敞，空间够，个晚肥西坐沙发位，倾计好舒服，但食嘢就有少少唔方便。要赞一赞呢到服务好好，虽然食物选择唔多，但店员都好热情咁向我哋介绍，而且个晚肥西嘅朋友OT迟大到，本身就九十分钟用餐时间，但餐厅话之后嘅timeslot 都冇客，好nice 咁畀我地由七点几坐到收舖🥺
讲返嘢食就不嬲对fusion嘢不抱大期望，呢到食物表现都合格嘅，有兴趣可以试试，不过only by reservation，记住上网/打电话book咗枱先好上嚟啦～
Mobin UFO 芝士飞碟包
$105
9 浏览
0 赞好
0 留言
15香料炖牛肉炒饭配煎蛋
$95
8 浏览
0 赞好
0 留言
墨西哥香烤鸡翼
$78
6 浏览
0 赞好
0 留言
粟米番茄炖猪手肉酱烤脆饼
$85
4 浏览
0 赞好
0 留言
Maria Margarita Classic
$75
2 浏览
0 赞好
0 留言
Tom Collins
$75
11 浏览
0 赞好
0 留言
张贴
