MOBIN (已搬遷) 新店位置

听朋友讲系麦花臣球场对面有一间楼上舖叫Mobin，系一间墨西哥餐厅，好好味。今日我就约埋朋友一齐去食。 呢间墨西哥餐厅的入口虽然隐蔽，但是好容易揾。餐厅正在播放轻快嘅音乐，绿白色嘅配搭，好特别，特别大的玻璃窗，好有墨西哥情调。 服务员好殷勤咁介绍餐厅里面特色嘅菜式，我哋拣咗以下几种： 💗15香料肉松炒饭配煎蛋(辣)$115我哋拣咗野菌做配料，辣度是小辣烟熏香，系炒饭上面放咗一只煎蛋，炒饭有少少辣，好香，每一啖都可以品尝到15种香料嘅独特风味，好好味。 💗南乳版德国猪手紫酸菜芝士馅饼$88系馅饼内夹左德国猪手肉、紫酸菜和芝士，配上自家制嘅牛油果酱和蕃茄粒粒，一起食口感好丰富，我地非常喜欢。 💗纽约芝士蛋糕配自家制龙舌兰焦糖酱及云呢拿雪糕$68系芝士蛋糕上加焦糖酱一起焗，蛋糕微微暖，焦糖好脆，甜味更突出，再加上冰冻嘅云呢拿雪糕，一冷一热，好配合。 💗发酵水果气泡水(无酒精)$60用时令的水果和水果干制作，好特别，系饮嘅时候可以饮到粒粒水果肉，有菠萝味，气泡水好清新，好饮。 💗香料蜜糖柠檬姜汁气泡水(无酒精)$60鲜榨姜汁，再加上蜜糖柠檬汁和气泡水，甜甜酸酸微辣，多层次的味道，非常有特色。