餃燃串

营业中

休息中

终于都考完晒试，交晒所有project，系时候要对自己好啲，拣咗好评如潮呢间舖头，喺旺角市中心地点够晒就脚👍我哋两个个女仔嗌咗泰式烤牛扒温泉蛋丼饭share 食，牛扒好大块，加埋特色酱汁加芝麻，肉味好香，够晒腍，再跟埋温泉蛋嘅蛋汁，成个饭嘅份量都好够！我哋两个人share食都已经有七成饱😂不过未够喉，因为见到佢个餐单太丰富啦，我哋再嗌多咗个串烧拼盘同埋烧扇贝！ 价钱一啲都唔贵，串烧拼盘好足料，自己最钟意食系明太子鸡翼，好欣赏佢哋个心思，入面酿满明太子，两者嘅味道好夹，其他串烧同埋翠玉瓜等等都好好味👍烧扇贝都系好大份，扁头铺满晒蒜蓉同埋香葱芝麻，份量好大，味道又好惹味，食完好满足👏😆