2派克雞排

营业中

休息中

好耐之前已经介绍过二派克，佢嘅炸鸡真心好高质！呢排喺旺角咁岩见到佢开咗间新分店，都有几多人帮衬，见好耐都无帮衬过佢，忍唔住买咗几份小食翻屋企食。🍗脆皮无骨鸡腿排 配海苔、原味（椒盐粉）第一次喺二派克叫无骨鸡腿排，佢啲份量都系好大份，个size仲大过只手掌；鸡腿肉非常厚实，肉质鲜嫩多汁，平时好惊食炸鸡会太干，呢间嘅炸鸡完全无呢个问题。🍄脆皮杏鲍菇 配芥末、海苔粉每次去二派克我都会叫脆皮杏鲍菇，佢嘅size依然都系咁大件，外皮香脆，又唔会太厚，入面旧菇Q弹多汁，一定要趁热食，冻咗外面层皮变淋咗会无咁好食。🍢甜不辣 配芝士、梅子粉甜不辣系台湾夜市必食嘅小食，见到有得食梗系即刻叫黎食下；甜不辣口感酥脆，内里嘅鱼肉口感好Q弹，烟烟韧韧，加埋酸酸甜甜嘅梅子粉，愈食愈开胃。