孖啡 (已結業)

今日约咗同朋友聚会，想去间坐得舒服啲嘅餐厅，所以就拣咗去旺角嘅孖啡Cafe食饭餐厅环境真系好适合聚会，啲卡位都好阔落，而且有好多唔同嘅board game 玩！我哋嗌咗个明太子虾球意粉，成个意粉都好重明太子味，劲足料，每啖意粉都食到一粒粒明太子。而且虾球每粒都好大又弹牙🦐另外我哋仲嗌咗个焗猪扒饭，本身个炒饭底已经系粒粒分明同埋好香，抵赞！而且有好足料既芝士同埋好厚肉既猪扒，配埋个番茄酱，食完真系大满足，劲饱！另外，我哋仲嗌咗个小食拼盘，有鱿鱼圈，洋葱圈，薯角，鸡翼，炸饺子等等。全部都炸得好香口同埋上碟系热辣辣，同埋虽然全部野都系炸但系系一啲都唔会好厚粉，同埋每款食饭份量都好够多，好抵食🙌🏻推介大家嚟开旺角可以去呢间Cafe食饭！