一生懸麵

营业中

休息中

今日放学同朋友嚟咗旺角食午餐。经朋友推介，我哋嚟咗位于通菜街𠮶头嘅一生悬面。餐厅主打拉面、沾面同各款日本小食。餐厅亦都好贴心，大家可以自由选择面条硬度。鸡白汤拉面 $95鸡白汤好浓郁！鸡味好浓，而且好creamy，拉面都好挂汤。正常硬度嘅面条质感啱啱好，带少少弹牙。配料方面，会有两件叉烧同两片鸡胸肉。叉烧同鸡胸经由慢煮嘅方法烹调，食落较嫩口，两者都系轻轻用黑胡椒做调味。另外，仲有一只糖心蛋，糖心蛋非常流心，整得好好，充满甜酱油味。牡蛎沾汁面 $138另外，朋友试咗个今期期间限定嘅沾面，换咗蚝嚟做主题。配料一样非常丰富，有慢煮叉烧、慢煮鸡叉烧、烧洋葱、炙烧广岛蚝、炙烧豚肉同半熟蛋。广岛蚝好新鲜，介乎半生熟状态，食到淡淡嘅海水味。炙烧豚肉肥瘦相近，表面轻轻烧过，食落香好多。章鱼烧 $29章鱼烧即叫即整，表面有紫菜、沙律酱、木鱼丝。章鱼烧外皮香脆，内里软淋淋，好正宗。唐扬鸡粒 $35唐扬鸡粒一样新鲜即炸，热辣辣，好大件，配有沙律酱可以点。炸鸡外皮香脆，内里鸡肉嫩滑，多汁。