大丸和風食堂 (已結業)

今日同朋友去咗旺角一间高质日本餐厅🍱大丸和风食堂日本料理餐厅一入到去已经觉得呢间餐厅环境好舒服，啲座位好阔落👍我哋两个人都点咗几多野🤩有角切鱼生饭，火炙三色卷，盐烧鸡软骨串烧，盐烧冬菇串，帝王蟹棒寿司同黑松露带子寿司🤤🔸角切鱼生饭真系好足料，铺满晒唔同种类嘅鱼生，三文鱼吞拿鱼蟹子𠮶啲都有好多，其实食晒碗饭都已经好饱！🔸好欣赏佢啲寿司，特别系火炙三色卷🤩寿司表面烧到微香，面且上面旧鱼生好鲜味，加埋啲微酸嘅酱汁真系好夹又开胃😋至于帝王蟹棒寿司同黑松露带子寿司都好高质，旧蟹棒上面都有微微炙烧过，同埋有啲芝士味，食落觉得几有层次；至于黑松露带子寿司，上面啲黑松露都几多，黑松露味好突出，而且同带子一齐食真心好夹👍🔸 盐烧鸡软骨串烧同盐烧冬菇串都令我有惊喜，首先餐厅好贴心咁加埋啲寿司菜俾我地一齐食，令我地食完串烧都无咁滞，抵赞！两件串烧上枱嘅时候都热辣辣而且好香口，大满足！