十侍 - 棉花糖A5和牛壽喜燒專門店

营业中

休息中

因为疫情好耐冇出去食嘢啦！今次嚟到旺角嘅呢间棉花糖A5和牛寿喜烧专门店—十侍。简单点评一下小店，好有日本格调，餐具亦好有设计感，店员很亲切～首先讲下前菜同饮品，前菜方面有蕃茄仔，饮品方面叫咗一杯cocktail同一杯梳打(菠萝+柠檬+热情果）。我哋都觉得好好饮🫶🏻之后系串烧🍢有鸡肉串、牛舌、冬菇、莲藕、秋葵等。另外最深刻嘅系烧秋葵！本身自己唔系特别钟意，但呢度嘅秋葵烧得好好食😋鸡肉亦都好多汁，整体嚟讲好满意👍之后就到重头戏啦🌟就系寿喜烧！店员先俾我哋打卡，之后将棉花糖同寿喜烧酱融合。一定唔可以唔讲嘅系鹿儿岛A5和牛，唔单止系由店员亲自烹调，A5和牛配上生蛋汁味道同口感都一流！肉质嫩滑，入口即溶，大家真系值得一试！之后我哋就慢慢食寿喜烧，里面有狮子狗、蟹柳、豆卜同杂菜等等。寿喜烧酱同棉花糖嘅味道完全渗透食物，因此好入味。总括嚟讲都系好满意，完全冇令我失望😍唔单止可以打卡，食物嘅卖相同埋味道都系一流，店员亦都好有礼貌。