貓啡

营业中

休息中

我同老公都好钟意玩猫，去咗呢间猫Cafe ，环境好舒适，座位分左几区，有西式餐枱、打卡千秋位、仿草地、日式榻榻米，好适合情侣、朋友聚会、一家大小来玩。Cafe的猫咪大部份为收养流浪猫，佢哋亦会每月捐钱比慈善机构帮助更多流浪动物，仲会不定时开放领养猫猫🐱。我哋午市去叫左2 份Meowの套餐 包沙律or 小食炸薯角、主菜、饮品。🧡香煎日本刺身带子黑松露扁意粉🧡两只带子都好大粒好厚身，面层轻轻香煎过保留到刺身肉质好鲜甜嫩滑，黑松露味香浓，每条面都挂满汁。🧡大啡菇意式杂菜扁意粉🧡大啡菇菇味香浓，加入很多杂菜煮，意式茄汁酸酸地好开胃，扁意粉质地煮得刚刚好。💛生椰拿铁💛呢个Coconut Latte好好饮呀，椰味香。💛阿里山乌龙茶💛呢度啲猫咪好亲人大部份都可任摸，有啲仲会跳上你大腿瞓觉好过瘾，玩猫真系好治愈令人心情愉悦，食物质素又好，同埋Cafe理念又有意义，好值得支持，一定会再来。