十三姨 (通菜街)

营业中

休息中

人气十三姨！原来呢间餐厅都几出名，平日晚上都多人排队等候。餐厅环境偏狭窄，会同后面枱嘅客人几乎背脊贴背脊。每枱有一碗虾片作为前菜，餐牌食物款式唔算多，我哋都系嗌啲招牌菜式试吓。十三么$72- 入面有好多手撕鸡、几块鸡叉烧、肠粉、半只溏心蛋同米粉拼粉丝。鸡叉烧有炙烧味，几香几滑。手撕鸡鞋少少，同埋重胡椒味。有几条肠粉又几有趣。米粉同粉丝嘅份量太多，差啲食唔晒，汤底应该有味精，食完有些少口渴。十三飞$78- 朋友加$12转翠肉瓜面拼粉丝，翠玉瓜口感爽口，不过份量少咗啲。牛肉就一般般，普普通通。爆浆芝士炼奶炸年糕$36- 呢个年糕唔错！流心芝士同炼奶配合得几好，年糕烟韧，同朋友share啱啱好，推介！鲜奶沟忌廉$28- 个器皿系牛奶盒嘅样，几得意。400次岩盐咖啡(冻)$32- 朋友自己扭岩盐，用嚟打卡几好。手作话梅可乐$22- 话梅粉酸酸甜甜，估唔到同可乐都几夹。