Nardo's Cafe (已結業)

众多嘅旺角楼上Cafe，我最中意就系去旺角新城8楼嘅Nardo’s Cafe。中意依间Cafe都好多原因嫁，不过最主都系食物好食、有个热情好客嘅老板娘同埋邻近信和中心/现时点。如果三五知已上去仲可以借下board game玩添。今日又同女朋友上咗去食，点咗最中意食嘅几道菜：烟鸭胸野菜沙律配意大利黑醋、肉肠拼盘、蜜糖鸡翼。今晚再点多个Dinner Set嘅西班牙芝士焗海鲜饭。我哋好中意食依个烟鸭胸野菜沙律配意大利黑醋、因为老板娘入嘅沙律菜总系非常非常之新鲜，意大利黑醋亦有挑选过，黑醋味唔会抢咗出嚟，再加埋烟鸭胸、有菜有肉，十分平衡。肉肠拼盘有司华力肠、意式香叶肠、牛仔肠同热狗肠。每种肉肠嘅味道同口感都各有不同。肉肠拼盘虽然好似好普通，买肉肠返嚟就可以，其实都要试过拣过先会入货，前期工作所花嘅心思同时间都唔少嫁。蜜糖鸡翼系我另一个中意食嘅小食。Nardo’s Cafe嘅鸡翼都烹调得非常好，鸡翼都刚刚熟透，肉质保持鲜嫩多汁，而外皮焦香。老板娘无讲用咗咩蜜糖，我估应该系用咗玫瑰蜜，因为入口唔会太甜之余、仲带有微微嘅蜜糖香。因为女朋友中意蒜香鸡翼、所以今日点咗蜜糖同蒜香mix。西班牙芝士焗海鲜饭