鱈卵屋 (已結業)

近排钟意左睇一个台湾饮食节目－型男大主厨，其中一集介绍明太子料理。心动之下就揾下香港有无得食，咁就揾到黎呢度。唔揾过真系唔知单单一款食材就可以有咁多变化。因为订左位嘅关系，一黎到就可以入座。因为系明太子专门店所以店内都有唔同嘅明太子制品，食完可以根据口味买返屋企慢慢叹。楼上铺嘅好处就系环境优雅嘅，而且墙身用左几面大镜增加左室内嘅空间感。先黎系双并明太子。因为一打开餐牌就见到佢无理由唔落单的吧。原味同烧过嘅味道上分别不大，都系咸咸香香中带点辛辣。但烧过嘅明太子除左焦香味突出之外仲较易成块夹起，方便我呢啲唔系咁识用筷子嘅人。呢道嘅味道最好配啤酒做下酒菜，单食的话觉得咸左少少。之后系呢度嘅招牌菜之一灌汤蛋卷。真系超多汁食落松软蛋味几出。明太子馅嘅味道唔会太强恰到好处，得到朋友嘅一致好评。牡蛎奶油锅都系好食之选。奶油汤香浓饮落都唔觉好油腻，加上明太子同牡蛎溶左入汤度大大提升左汤嘅层次同味道。而入面嘅豆腐西兰花同金针茹吸晒汤同牡蛎嘅精华，非常惹味。明太子乌冬用左卡邦尼意粉嘅做法，都系一个几唔错嘅煮法。食落乌冬比意粉更易吸味。但明太子唔够多味道淡左啲。所以我地趁机会试下呢度嘅MENTASCO明太酢