鱈卵屋 (已結業)

向来都好钟意食明太子，去到日式餐厅见到有明太子pizza、明太子意粉都必叫，明太子专门店又点可以唔去呢 落左单坐左阵无耐黎左2客茶碗蒸，原来系当时庆祝紧开店2周年送嘅。虽然系送，但都好高质，d蛋好嫩滑又带有上汤嘅鲜味，我朋友本身唔钟意食中式嘅蒸水蛋都清晒，食到底竟然仲有只size唔细嘅蚝，好惊喜。明太子蛋卷 ($78)蛋卷都系我钟意嘅item之一，所以明太子蛋卷系一定要叫~蛋好滑好松软，入面有满满嘅明太子，好食。明太子铁板芝吱鸡 ($68)芝士有小小抢过明太子嘅峰头，薯仔虽然作为配角但好入味，边位有小小脆，我钟意佢甚至多过本身嘅主角，我另外自己加左小小tabasco，辣辣地仲惹味!鳕卵碗 三文鱼拼鱼子 ($158)吃法3步曲1) 搅拌后直接吃2) 加入喜欢的调味配料同吃3) 加入汤我自己最钟意第1种食法，最食到食材本身嘅鲜甜味，第2步都ok，第3步觉得加左汤麻麻。