鱈卵屋 (已結業)

之前系福冈旅行食左好多明太子野，今日想揾返个味，鳕卵屋系不二之选!!!一见到餐牌忍唔住要叫原味极上明太子，听讲原料同调味料都系严格挑选，净食会有d咸咸，但捞饭食一流！再加埋我呢支来自福冈，感觉辣口的繁桝经典清酒(纯米酒)，我去似去左日本一趟咁！之后又叫左人气之选1松软明太子上灌蛋卷，比普通蛋卷更香更浓，中间明太太多到流哂出黎又甜又咸好正！再黎炸竹轮鱼蛋明太子，呢个比我最大惊喜，真正外脆内软，里面既紫菜炸到超级香，成个卷都好match!跟住系重头戏三文鱼拼三文鱼子鳕卵碗，待应好细心教我地点食，首先唔落配料食，食到刺身既原味，落左配料后感觉似寿司，有紫菜同腌料味，之后加汤变成茶渍饭，汤有淡淡既木鱼味，冇咁漏！而鳕卵3色刺身拼盘，包括三文鱼明太子、博多芝麻酱油甘鱼同辣味沙律吞拿鱼刺身。睇上去以为得好少，食落原来好多味道方面，油甘鱼鱼油好多，吞拿鱼就较普通，被沙律酱盖过，但三文鱼明太子好配，明太子点缀左三文鱼，但所有刺身都好新鲜，冇因为有酱已用劣质刺身！P.S. 待应服务好好，真系好似置身系日本！