影片
更多
2020-12-29
304 浏览
闷闷地去附近行吓，今日就荡咗过嚟九展，仲去咗好耐冇帮衬过嘅华星冰室。餐牌同以前大致相同，冇乜点大改变。系多咗啲招牌菜，仲有儿童餐。而我嚟到正值系下午茶时间，梗系要叫个下午茶餐啦，平啲嘛，落单先知原来而家仲有九折，真系抵上加抵。老公不嬲都系大胃王，叫个下午茶餐之后仲要加个通粉。公司三文治都好足料，基本上你谂得出嘅三文治材料都有喺入面，最大堆头嘅当然系炒滑蛋啦，然后再有咸牛肉、火腿、芝士、蕃茄片、生菜，色香味俱全。火腿通粉我就觉得一般，我嫌佢嘅汤底味道偏咸，通粉亦都唔够弹牙。冻柠乐系原罐可乐上，绝不取巧。我自己就叫炸髀加薯饼配热饮$36，仲有九折，我觉得呢个价钱OK。炸髀唔算好大，亦唔系生炸，但都系新鲜炸起，同埋佢嘅味道有啲似酒楼炸乳鸽嘅味道，都好食嘅，薯饼都系新鲜炸起所以够脆，呢个餐唔错！炸薯条单点$22，一般茶餐厅价钱，份量唔算多，合格啦！今时今日食肆真系好难做生意，假期嚟到场面都偏静，所以我都觉得要支持吓，一于给一个好评！
餐牌同以前大致相同，冇乜点大改变。
系多咗啲招牌菜，仲有儿童餐。
而我嚟到正值系下午茶时间，梗系要叫个下午茶餐啦，平啲嘛，落单先知原来而家仲有九折，真系抵上加抵。
老公不嬲都系大胃王，叫个下午茶餐之后仲要加个通粉。
公司三文治都好足料，基本上你谂得出嘅三文治材料都有喺入面，最大堆头嘅当然系炒滑蛋啦，然后再有咸牛肉、火腿、芝士、蕃茄片、生菜，色香味俱全。
公司三文治
26 浏览
0 赞好
0 留言
冻柠乐系原罐可乐上，绝不取巧。
我自己就叫炸髀加薯饼配热饮$36，仲有九折，我觉得呢个价钱OK。
炸鸡髀配薯饼餐
$36
22 浏览
0 赞好
0 留言
炸薯条单点$22，一般茶餐厅价钱，份量唔算多，合格啦！
今时今日食肆真系好难做生意，假期嚟到场面都偏静，所以我都觉得要支持吓，一于给一个好评！
张贴
