影片
更多
2014-07-14
1900 浏览
終於又有一間食店要令我出手寫食評。我地一行九人7：30pm 到。叫佐個小食生腸，小辣雞煲。8pm 再加醉雞翼，五香牛𦟌，魚生拼盤順便追下之前叫佐嘅食物。15分鐘後仍然無嘢食，再追問下.........漏單😣十分鐘後食物嚟到我地就落火鍋湯底（番茄魚鍋）及配料。先講雞煲，味道好似鹵水雞汁加少少辣，生腸唔脆，牛𦟌同雞翼只可説不過不失。9：15pm個湯底已滾十分鐘，仲未有火鍋配料到，真的火了！原來又漏單！經理再落單及送了一打啤酒（真係飮到飽都未有嘢食）。沒有服務之餘，食品質數亦嚇得下，番茄魚湯底味道就好似茶餐廳啲蕃茄豬扒個汁加水，甜甜地。叫佐兩款牛，實在比我去凍肉鋪買的差。要食呢啲質數嘅牛我唔駛出街食。其他配料如白色嘅豬潤，所謂的鮮蝦雲吞，啤水鵝腸，真的不吃也罷！全晚唯有值得一提嘅係青島小姐，整晚為我地送上冰凍啤酒. 可惜冰凍啤酒都樸唔識我地嘅火🔥。如果你諗住嚟食飯加碰碰運氣撞下明星，去電視城慳番幾佰蚊好過！
我地一行九人7：30pm 到。叫佐個小食生腸，小辣雞煲。8pm 再加醉雞翼，五香牛𦟌，魚生拼盤順便追下之前叫佐嘅食物。15分鐘後仍然無嘢食，再追問下.........漏單😣
十分鐘後食物嚟到我地就落火鍋湯底（番茄魚鍋）及配料。先講雞煲，味道好似鹵水雞汁加少少辣，生腸唔脆，牛𦟌同雞翼只可説不過不失。
9：15pm個湯底已滾十分鐘，仲未有火鍋配料到，真的火了！原來又漏單！經理再落單及送了一打啤酒（真係飮到飽都未有嘢食）。沒有服務之餘，食品質數亦嚇得下，番茄魚湯底味道就好似茶餐廳啲蕃茄豬扒個汁加水，甜甜地。叫佐兩款牛，實在比我去凍肉鋪買的差。要食呢啲質數嘅牛我唔駛出街食。其他配料如白色嘅豬潤，所謂的鮮蝦雲吞，啤水鵝腸，真的不吃也罷！
全晚唯有值得一提嘅係青島小姐，整晚為我地送上冰凍啤酒. 可惜冰凍啤酒都樸唔識我地嘅火🔥。
如果你諗住嚟食飯加碰碰運氣撞下明星，去電視城慳番幾佰蚊好過！
张贴