左麟右李粥麵小菜專門店 (已結業)

一场去到黄埔，一于去左麟右李“潮“拜吓先。室内装修欣赏唔到，因为被安排坐喺商场走廊临时加枱。虽然粥面档食物来来去去𠮶几款，但唔知点解望落个餐牌硬系觉得佢哋可能有参考过正斗。价钱平啲街坊啲，质素要求自然要调整啲啲。鲮鱼饼香口但偏油腻。肉丸粥粥底好绵，但肉丸唔够正斗鲜味，同埋似乎比较细粒。理解正宗云吞唔应该太大粒，不过呢度云吞面啲云吞都系细粒咗些少，面就不过不失啦。四式肠粉最正系叉烧，包咗肠粉蒸过都够香口！虾同带子都算爽口弹牙，但牛肉就味道古怪兼似喺牛肉度沟咗好多嘢，冇牛肉味同质感！肠粉蒸得唔错，唔会淋pat pat，豉油亦系暖嘅！杏仁茶汤圆嘅汤圆唔错，杏仁茶味道ok但稀到似水。服务质素普通，唔算殷勤，唔知系咪走廊位顾唔到咁多...感觉系质素唔差但有啲将货就价，人流旺似乎主要系选址成功，因为附近好似冇第二间比较四正嘅粥面店。开分店就要喺食物质素同服务再下功夫，除非佢打算店如其名净系谂住开喺啲招呼左邻右里嘅地方例如领汇商场啦。