影片
更多
2014-03-04
764 浏览
之前跟过教会朋友嚟「名坊」烧嘢食，觉得个地方唔错，可以平平哋，又有瓦遮头，环境光猛唔似啲烧烤场「黑鬼妈妈」。又喺教会细胞小组一个月一次嘅活动，负责任嘅负责人安排咗行山，选址喺行青衣自然径，轻松方便，我哋一行13人有大有细，依条路就最「合家欢」架啦 ，而且又有景，仲饱览青马大桥兼睇埋日落添。由北面长宏邨入，再晌南面青华苑出，所以就建议行完山去涌美村嘅「名坊」烧嘢食，因为行过去都喺廿来分钟嘅事，认真方便。所以，借少少版面，分享一下条自然径嘅美景 ！对上一篇题为「能伸能叔」已介绍过名坊嘅烧烤，包括环境、收费、食物质素、配套……等等，所以，今趟就唔太重复喇，概略扼要讲几句，跟上次一样，都喺订最基本嘅烧烤餐，一人份包括：猪颈肉1件、猪扒1件、牛扒1件、芝士肠4条、鸡肉肠2条、什丸6粒、鸡中翼2只、粟米1条、蕃薯1/2条，每两位送一包蒜蓉芝士什菇，包埋汽水、蜜糖、炭同烧烤叉，又提供埋餐碟、刀叉，乜都唔使烦、唔使谂，轻轻松松就可以烧嘢食，每位都喺$90 。因为有啲喺细路仔关系，所以我哋都只喺订10人份，两大盆烧烤肉，加一大篮粟米、蕃薯、蒜蓉芝士什菇，虽然无点算啱啱数，但能叔一句话有多无少，信晒
又喺教会细胞小组一个月一次嘅活动，负责任嘅负责人安排咗行山，选址喺行青衣自然径，轻松方便，我哋一行13人有大有细，依条路就最「合家欢」架啦 ，而且又有景，仲饱览青马大桥兼睇埋日落添。由北面长宏邨入，再晌南面青华苑出，所以就建议行完山去涌美村嘅「名坊」烧嘢食，因为行过去都喺廿来分钟嘅事，认真方便。所以，借少少版面，分享一下条自然径嘅美景 ！
对上一篇题为「能伸能叔」已介绍过名坊嘅烧烤，包括环境、收费、食物质素、配套……等等，所以，今趟就唔太重复喇，概略扼要讲几句，跟上次一样，都喺订最基本嘅烧烤餐，一人份包括：猪颈肉1件、猪扒1件、牛扒1件、芝士肠4条、鸡肉肠2条、什丸6粒、鸡中翼2只、粟米1条、蕃薯1/2条，每两位送一包蒜蓉芝士什菇，包埋汽水、蜜糖、炭同烧烤叉，又提供埋餐碟、刀叉，乜都唔使烦、唔使谂，轻轻松松就可以烧嘢食，每位都喺$90 。
因为有啲喺细路仔关系，所以我哋都只喺订10人份，两大盆烧烤肉，加一大篮粟米、蕃薯、蒜蓉芝士什菇，虽然无点算啱啱数，但能叔一句话有多无少，信晒佢啦 。起炉出句声就超快搞掂，因为用瓦斯火枪加风筒，一阵间个炉就熊熊烈火。
基本上所有食物都腌好晒，味道不俗，当然好唔好食，都要靠自己烧得好唔好。因为晌度地方又够光猛，阔落有挨背嘅胶椅点都好坐过郊公园，再者，烧烤时间非常充裕，可以慢慢烧，烧得靓仔好食一啲 。
蒜蓉芝士什菇以芝士味跑出，一丝丝半溶嘅芝士，混杂晌啲冬菇及秀珍菇中，香柔好食，只喺蒜味差咗少少。
之前行过嚟时路经超市，可再加买啲生果、面包、菊花茶、清凉茶之类。所以，如果你想牛油涂多士，问问能叔，佢都唔介意俾啲你嘅。我听啲组员讲话猪扒腌得好味，所以，就整番份炭烧猪扒多，猪扒松化入味，配合烘热嘅多士，果然正呀 。
虽然我哋另外买咗菊花茶、清凉茶，目的只为顾及唔饮汽水人士，因为个烧烤餐包汽水。究竟点包法？晌出面嘅任食烧烤场，多数只包你一支水，试问一次烧烤一支水点够，又唔俾你外带嘢饮，目的都喺想晌饮品方面多赚你一笔。晌名坊汽水真喺豪俾你，自己入去汽机度自斟 ，有可口可乐、雪碧、芬达，虽然喺咁，我哋都无乱斟嘥嘢，够饮就OK。
上次嚟见佢有煲仔饭已好想试，所以，今次「专灯」点一煲等大家试吓。其实，我哋晌度烧咗成晚，都见有唔少客点煲仔饭食，煲仔饭定价$38-$48，仲送$13嘅甜品或饮品。小弟揸主意点咗个北菇田鸡饭（$42），睇住另外一个师傅喺户外炉头度煲，煲好之后香气扑鼻，饭粒清爽分明，加点甜豉油，宁舍不同，冬菇几厚肉，田鸡都算喺恰到好处，入口嫩滑，食到底仲有薄薄饭焦，整个煲仔饭都做得认真，做得不俗 。除煲仔饭，仲有生滚煲仔粥，留番下次有机会先再试！
名坊暗暗缩喺涌美村一小角，有街坊行过，见我哋烧得咁过瘾，都话下次试吓先，原来有唔少街坊唔知佢哋有做烧烤㖞 ！
张贴
