熱血一流 (已結業)

话说之前一日去揾fd，路过见倒呢间自私边炉放题几过瘾，虽然见倒唔少人话间嘢麻麻，不过横掂第二日得闲，就用试伏嘅心情走去试试。叫咗咗$58𠮶个午餐(唔系最平𠮶个)，但份量都超少。生菜三条，黄牙白三条，红芯萝卜两薄片，南瓜两片，鲜冬菇一只，金菇大约1/4包，粟米有吋半不过得半边。如果唔计份量问题，啲菜新鲜嘅。米线就劲离谱，煮完得𠮶细半碗，用嚟装葱𠮶个兜仔居然可以装倒大半米线，一口牛我就听过啫，一口米线系咩玩法牛嘅份量同吉家差唔多，叫做正常啲。味道唔错嘅。另外有得拣乌龙茶系几好嘅。汤底冇之前啲食评咁阴公冇得拣，不过叫咗个喇沙汤底，无啦啦变咗有少少椰子味同香草味嘅酸辣汤。明明正常喇沙汤底应该有虾味，佢呢个我食唔出。再讲个汤底系完全冇汤料喺入面，话佢系师傅汤都唔出奇。另外啲豉油真系好鬼似大陆啲寿司豉油，同埋加葱都要两蚊，姑寒最后加咗一要$66先出倒门口，但我呢啲女仔食量只系半饱。我真系唔知男仔点食得饱喇。埋单仲要见倒张单上面有句『拳四郎：「你已经饱了。」』，我真系当场想做拳四郎嘅亲戚拳四飞结论系，呢个价位同份量，我要食自私边炉嘅不如番吉家食算喇。真系想食边炉放题嘅，揾fd去其他边炉放题冇咁嬲啦。