影片
更多
2010-07-02
126 浏览
上星期六晚师傅一条冷十一点几都未食饭, 鬼死咁肚饿, 于是又返番去自己地头揾下野食, 可惜又冇咩心水, 眼见呢间食店最近新开张, 虽然明知唔抵食, 但偏偏又贡左入去, 师傅呢种明知山有虎, 偏向虎山行嘅精神有时都可谓疚由自取!鬼死咁肚饿, 所以一坐底谂都唔使谂即刻柯打左一碗云吞面, 等左几分钟先有得食; 一放低师傅就真系眼都凸晒, 云吞面真的非常细碗, 个碗差不多系平时酒楼嘅汤碗, 内里放左四粒云吞同埋面, 师傅先试汤底, 汤底几清冇味精, 而且有少少虾籽嘅香味, 感觉不错; 再试下个面, 面系全蛋面, 面身爽口弹牙, 烟烟韧韧加上冇碱水, 真系一流; 而云吞有四小粒, 云吞皮够薄, 而馅料就胡椒味好重, 感觉系d虾唔够新鲜, 加上馅料颇实唔爽口, 云吞黎讲唔算太出色!师傅应该大约用左三分钟就食晒碗云吞面, 当然个感觉就系好似冇食到野咁啦, 内心挣扎左三十秒, 师傅决定再柯打一碗牛腩面, 牛腩面黎到时师傅将只牛腩面个碗同云吞面个碗比一比, 发觉牛腩面系大碗少少, 不过咁都好正常, 皆因牛腩面贵少少嘛; 牛腩系用柱侯汁煮, 柱侯味够香够浓, 加上炆得够入味, 所以味道不错, 可惜牛腩水准
鬼死咁肚饿, 所以一坐底谂都唔使谂即刻柯打左一碗云吞面, 等左几分钟先有得食; 一放低师傅就真系眼都凸晒, 云吞面真的非常细碗, 个碗差不多系平时酒楼嘅汤碗, 内里放左四粒云吞同埋面, 师傅先试汤底, 汤底几清冇味精, 而且有少少虾籽嘅香味, 感觉不错; 再试下个面, 面系全蛋面, 面身爽口弹牙, 烟烟韧韧加上冇碱水, 真系一流; 而云吞有四小粒, 云吞皮够薄, 而馅料就胡椒味好重, 感觉系d虾唔够新鲜, 加上馅料颇实唔爽口, 云吞黎讲唔算太出色!
师傅应该大约用左三分钟就食晒碗云吞面, 当然个感觉就系好似冇食到野咁啦, 内心挣扎左三十秒, 师傅决定再柯打一碗牛腩面, 牛腩面黎到时师傅将只牛腩面个碗同云吞面个碗比一比, 发觉牛腩面系大碗少少, 不过咁都好正常, 皆因牛腩面贵少少嘛; 牛腩系用柱侯汁煮, 柱侯味够香够浓, 加上炆得够入味, 所以味道不错, 可惜牛腩水准甚为参切, 一旧腍另一旧韧, 算不上百份百好味; 至于面身继续爽口弹牙, 继续烟烟韧韧冇碱水, 呢个面就真系一绝喇!
总括黎讲食物水准普通, 环境地方清洁, 服务一般, 价钱绝对唔平, 廿八蚊碗云吞面, 三十蚊碗牛腩面, 加上份量少, 所以绝不抵食; 师傅埋单接近六十蚊, 可惜起身后师傅仍然唔觉得饱, 相信就算食上四五碗亦非难事; 价钱就系贵, 但贵得黎唔值, 所以师傅肯定唔会再黎, 除非净系想食佢个面啦, 笑脸一定比唔到!
张贴
