影片
更多
2012-10-04
615 浏览
餐厅嘅入口极之金碧辉煌, 富丽堂皇...围村烧肉--嗯... 韧咗D啫... 同埋硬咗少少, 又咸咗少少...农家笋炆肉--哗!!!!!! 好好味呀!!!!!! 好重南乳味呀!!! 同埋D猪肉炆得好淋... 同细个时祖母煮嘅味道一模一样呀!!!!!! 一D都冇夸张, 唔系剩系我一个咁讲o架, 几个「客家食神」都一致认同o架!!! 仲要用蜡烛台暖住食, 唔怕冻咗D汁痴埋一PAT, GOOD!!!茄汁大明虾--哗... 咁大只嘅??? 比人夹2夹已经冇晒...红葱头南姜走地鸡--呢味又系一绝!!! 又系好似食翻细个时祖母煮嘅鸡咁... 好好味, 好香, 好弹牙... 咁快冇晒嘅??? 我仲想食呀...蚬蚧鲮鱼球--怕怕... 由细到大都唔食...砂盆陈皮扣大鸭--全餐呢碟最唔掂!!! 好韧, 又冇鸭味... 食剩半只, 服务员问咗几次, 都冇人肯打包拎返屋企...盆满钵满--哗!!! 好足料呀!!! 劲多鸭脚同原条海参, 食极都有!!! 全餐最抵食!!! 清碟之后, 电视咁啱做紧洗新鲜海参, 见到D绿色内脏咇出o黎, 全枱V哗鬼叫!!! Honey话如果电视早D播仲好, 益晒佢, 嘿嘿..
围村烧肉--嗯... 韧咗D啫... 同埋硬咗少少, 又咸咗少少...
农家笋炆肉--哗!!!!!! 好好味呀!!!!!! 好重南乳味呀!!! 同埋D猪肉炆得好淋... 同细个时祖母煮嘅味道一模一样呀!!!!!! 一D都冇夸张, 唔系剩系我一个咁讲o架, 几个「客家食神」都一致认同o架!!! 仲要用蜡烛台暖住食, 唔怕冻咗D汁痴埋一PAT, GOOD!!!
茄汁大明虾--哗... 咁大只嘅??? 比人夹2夹已经冇晒...
红葱头南姜走地鸡--呢味又系一绝!!! 又系好似食翻细个时祖母煮嘅鸡咁... 好好味, 好香, 好弹牙... 咁快冇晒嘅??? 我仲想食呀...
蚬蚧鲮鱼球--怕怕... 由细到大都唔食...砂盆陈皮扣大鸭--全餐呢碟最唔掂!!! 好韧, 又冇鸭味... 食剩半只, 服务员问咗几次, 都冇人肯打包拎返屋企...
盆满钵满--哗!!! 好足料呀!!! 劲多鸭脚同原条海参, 食极都有!!! 全餐最抵食!!! 清碟之后, 电视咁啱做紧洗新鲜海参, 见到D绿色内脏咇出o黎, 全枱V哗鬼叫!!! Honey话如果电视早D播仲好, 益晒佢, 嘿嘿... 你睇... 只鸭脚几巨型... 唔讲得笑o架...
北京西红柿豆腐煮蟹--咦咦... 乜... 柿同蟹... 唔系唔可以一齐食嘅咩??? 问清楚部长... 原本... 西红柿系蕃茄... 冇事... 可以放心食... 哗!!! 唔好讲只蟹, 剩系D蕃茄炒蛋炒豆腐已经好好送饭, 真系食到唔停得口!!! 只蟹个夹多肉到呢...
蒜子火腩姜葱煀蚝--哗!!! 呢味得到呢... 虽然D蚝好细粒, 同埋望落去好似好细份量咁, 但系原来系夹极都仲有o架㖞, D蚝收埋晒响D姜葱下面...
小顺子南瓜焖凉瓜--D南瓜好甜呀!!! D凉瓜都好得㖞!!! 南瓜同凉瓜配豆豉汁真系一绝!!! 仲要份量都几足㖞...
竹笙银杏杂箘时蔬--我都未夹已经冇晒, 好难会唔好食啰...消暑原个冬瓜盎--我地已经食完晒D𩠌, 见到隔离枱饮紧, 又心郁郁叫一个... D汤好清甜呀!!! D冬瓜肉又多又甜... 同埋呢, 而家外面D特价冬瓜盎好多都系用烧鸭皮煮, 冇配料o架, 更唔好妄想会落夜香花... 呢个冬瓜盎简直系最传统嘅冬瓜盎, 我比100分呀!!!
寿桃--拳头咁大嘅寿包... 其实大家都已经饱到不得了, 都仲可以队剩4个, 利害!!! 阿B食完1个仲唔够喉(D馅当然系被爸爸食晒), 未识讲o野已经手指指话要继续食多1个... 之后大家仲抢住要打包走, 头先只鸭又唔见你地话包走...
生果拼盘(送)--哗!!! 今时今日仲有得送生果拼盘嘅咩??? 仲要咁大碟咁靓仔??? 而且西瓜系天然微甜冇加糖水, 好得呀!!!
冰镇龙须什果芒果布甸--哗!!! 已经饱到晕o架啦, 见到隔离枱食, 个个对眼发晒光, 失晒常性, 都唔理自己食唔食得落, 就话要叫5个... 个餐牌呢, 下面个金鱼缸系放住金鱼, D细路问部长系咪系真系有金鱼, 唔知部长讲笑定讲真, 话之前真系有, 而家因为卫生问题, 冇再拎D生AU AU嘅金鱼出o黎... 部长... 你真定假呀??? 唔好呃细路㖞... 个卖相吸引到咁, 好唔好食已经唔重要... 不过... 佢系好味道o架!!!
阿B得1岁, 都收佢茶钱, 好似有点儿那个㖞... 唉... 不过算啦... 最紧要服务好味道好, 大家又食得开心就得啦!!! 张贴
