影片
更多
2012-10-08
396 浏览
有机会出席米芝莲得奖一星「粤」试食会, 很高兴!!!城市花园酒店「粤」中菜厅系2012年新晋"米芝莲一星"食肆, 得奖名菜多罗罗, 包括旅发局2010年度「美食之最大赏」海鲜组金奖的「雪岭红梅映松露」, 及2011年「美食之最大赏」点心组金奖的「亮点」!!! 炙手可热的名菜亦不少, 当中柚子脆虾球及师傅炒香苗就系我的至爱!!!大圆枱旁可望到落地玻璃外一排翠绿嘅树木, 空间感十足~餐厅先送上小礼物, 系大厨自家制嘅XO酱!!! 好开心, XO酱好好味!!! 先来一客头盘...「粤」四小碟蒜片和牛粒--和牛好好味, 软腍冇根, 一口一粒, Size刚刚好, 和牛汁甜甜地, 平时食到嘅通常都只会伴蒜片, 今次伴上葱条, 感觉特别美味~ 条葱唔简单o架, 每条葱最香嘅部位就只得果几寸o架咋~蜜汁叉烧--肥廋比例2比8, 肉质软腍, 味道浓淡得宜, 沉实的红色, 应该唔会有太多色素, 可以放心食用...脆皮素鹅--好味㖞!!! 我系食肉兽, 一向好怕食素鹅, 因为试过嘅多数d皮都又肥又韧d馅又怪味, 呢度个皮好脆又唔油, d馅仲好好味, 赞!!!柚子醋黑木耳--调味做得好好, 因为食完都唔知自己
城市花园酒店「粤」中菜厅系2012年新晋"米芝莲一星"食肆, 得奖名菜多罗罗, 包括旅发局2010年度「美食之最大赏」海鲜组金奖的「雪岭红梅映松露」, 及2011年「美食之最大赏」点心组金奖的「亮点」!!! 炙手可热的名菜亦不少, 当中柚子脆虾球及师傅炒香苗就系我的至爱!!!
大圆枱旁可望到落地玻璃外一排翠绿嘅树木, 空间感十足~
餐厅先送上小礼物, 系大厨自家制嘅XO酱!!! 好开心, XO酱好好味!!! 先来一客头盘...
「粤」四小碟蒜片和牛粒
--和牛好好味, 软腍冇根, 一口一粒, Size刚刚好, 和牛汁甜甜地, 平时食到嘅通常都只会伴蒜片, 今次伴上葱条, 感觉特别美味~ 条葱唔简单o架, 每条葱最香嘅部位就只得果几寸o架咋~
蜜汁叉烧
--肥廋比例2比8, 肉质软腍, 味道浓淡得宜, 沉实的红色, 应该唔会有太多色素, 可以放心食用...
脆皮素鹅
--好味㖞!!! 我系食肉兽, 一向好怕食素鹅, 因为试过嘅多数d皮都又肥又韧d馅又怪味, 呢度个皮好脆又唔油, d馅仲好好味, 赞!!!
柚子醋黑木耳
--调味做得好好, 因为食完都唔知自己食咗菇...
杏汁花胶炖蹄筋汤--清澈嘅汤底, 完全冇渣, 煲得好好呀!!! 杏仁味超浓郁, 钟意杏仁嘅朋友一定会爱上佢!!! 花胶好大片, 仲好厚肉呀, 软绵绵咁, 每一口都充满胶原蛋白, 姊妹们嘅欣物!!! 蹄筋煲完之后依然软腍, 选料绝不马虎~
红梅虾球--卖相实在精致得有d过分, 咁靓叫人点舍得食呀!!! 蟹子好烟韧... 虾球好爽脆... 哗!!! 铺系虾球下面嘅, 居然系芥兰度!!! 一条芥兰只可以整到一条几寸长嘅芥兰度, 仲要挑选d最鲜嫩口嘅芥兰, 老d嘅会太粗同埋好o鞋, 将茎去皮, 真系好花时间~
雪岭红梅映松露--得奖名菜, 卖相一等一!!! 一上枱即时引起一阵骚动, 摄影机嘅快门声此起彼落... 冷静落o黎, 先用眼睛去品尝, 透明嘅玻璃杯, 透视出4个层次, 如同一杯艺术品, 外观比较似甜品, 算唔算系份子料理呢?!!
底层嘅蛋白先蒸10分钟至凝固, 然后加入菠菜汁蛋白再蒸10分钟至凝固, 然后加入红萝卜汁蛋白再蒸10分钟至凝固, 行政总厨强调, 只要有液体盖在已凝固的蛋白上, 蛋白便不会老... 好高深嘅学问呀!!! 最面层系东星斑, 中间夹咗花胶, 再配以黑松露, 好名贵呀!!! 灵感来自行政总厨拿手嘅怀旧菜...
个人最喜欢红萝卜汁蛋白, 好强劲嘅红萝卜味, 颜色又鲜艳...
北菇鲍汁扣鹅掌--鲍汁味道不俗, 鹅掌扣得软腍, 北菇厚身, 小棠菜为求美观走叶, 可以睇得出餐厅方面对食物嘅外观要求严谨...
龙井茶皇熏鸡--未见其鸡, 先闻其味!!! 茶熏味充斥整个房间, 一众食家纷纷赞好香!!! 挂住听书, 进食时已经冻咗, 但系依然美味, 卤水味浓, 好想食多几件...
行政总厨正为大家详细讲解雪岭红梅映松露嘅制作窍门...
鲍汁荷叶饭--虾米好香, 冬菇切丁, 鲍汁味同荷叶香完全渗入饭内, 以小蒸笼呈上, 卖相十分讨好~ 个人比较钟意师傅炒香苗嘅呢~
雪莲子五补茶--"慢零"猫唔使再攀山涉水去揾天山雪莲啦!!! 叫佢主人o黎食呢个甜品啦!!! 圆肉、红枣、杞子、百合、雪莲子... 样样都系宝, 入口清甜, 充满胶质, 姊妹们, 唔使我多讲, 你地都识得拣啦~
麦皮紫薯包--呢款包要系试食会2日后先至正式推出市场... 斋睇麦皮就已经够晒健康啦, 紫薯除咗香甜, 又多纤维, 而且仲唔系好似莲蓉咁要落大量猪油去捞滑, 一众食家明明一早就叫饱, 都可以鲸吞晒呢个包, 仲要齐齐赞好, 呢个包... 掂呀!!!
能够同一班钟意食嘅朋友一齐食咁丰富美味又滋补嘅晚餐, 身心上都好满足呀!!! 席间除咗交换饮食心得, 仲交换埋旅游心得...
感谢城市花园酒店嘅邀请及款待!!!
旧年圣诞节同大除夕都系度食, 已经觉得好正, 今日再食依然美味, 希望佢可以再上一层楼, 向二星级进发!!!
张贴
