沙嗲軒 (中港城) (已結業)

话说最近喺海港城开咗一间咸蛋鱼皮pop up store, 日日排长龙D人都系为咗抢佢嘅咸蛋鱼皮,虽然鱼皮日日好快就卖晒,但系总算可以试下佢哋嘅咸蛋薯片,系正嘅~~嚟到周末自然而然就想试下新加坡风味, 见到啲食评唔错, 于是揾食揾到嚟沙嗲轩...呢间餐厅分别有室内同露天嘅座位, 环境幽静, 一入到嚟坐低侍应就拎咗碟虾片当餐前小吃， 微微辣几醒胃。今晚叫咗个二人餐, 除咗指定嘅沙爹串,海南鸡,同埋麦皮牛油大虾(大虾分别有麦皮牛油大虾同胡椒大虾两款选择), 仲可以自选一款风味菜式。首先嚟嘅系沙嗲串,有猪串又有鸡串, 沙嗲串热辣辣配埋佢足料嘅沙嗲酱,真系好夹! 个人比较喜欢猪肉串, 因为系猪肉中间渗出啖啖油香, 零舍惹味!跟住嚟嘅系海南鸡, 得到嘅系鸡胸部位, 完全冇谂过可以咁嫩滑, 配埋佢嘅黑酱油, 真系好好味!再嚟系麦皮牛油大虾,大虾炸得好香口, 少少牛油香味唔太抢之外虾肉仲弹牙~麦皮又好脆口, 忍唔住空口食咗几啖添。食到一半福建炒面都嚟埋, 配料有虾同鱼片, 每条油面都挂到佢嘅芡汁, 好好食~始终都系炒油面, 最后有啲油留系个碗, 不过比吞落肚好呀 XD最后系甜品有椰汁黑糯米, 充满椰