星座冰室 (已搬遷) 新店位置

见到有芝士又黎试埋佢，今次都系唔食面，转左食米粉。落完单，好快就有野食，唔洗等太耐芝士蕃茄蛋捞米粉其实似碗汤多啲，即系汤米粉，同个捞字好似扯唔太上关系。其实一块块嘅芝士系好难溶，虽然我已经一黎就快快手影完相就捞，但系都捞唔匀啲芝士同米粉，食几啖就冇晒芝士，变番净蕃茄蛋汤米，同埋啲芝士味唔出，食到嘅都系蕃茄汤味。甘个蕃茄蛋汤都几够味嘅，真系当汤饮埋都冇问题。奶西多士其实同普通西多士冇咩分别，不过面包都几软，入面嘅花生酱都搽得几均匀，够甜唔会干或冇味。价钱方面算几抵食，其实钟意食汤面嘅都可以选择佢。