影片
更多
2017-06-09
7914 浏览
同老友面包班同学仔约食饭由3月约到依家先成事，3月小弟去咗旅行，4月就轮到佢去，跟住老友病咗一轮，啲时间夹嚟夹去，所以，先搞咗咁耐。老友嘅病未叫痊愈十足，仲要戒口，咁由佢负责揾餐厅，拣咗以健康食材入馔为理念嘅「野玩田店」，咁就当然好啦，况且，我自己都未食过。虽然餐厅地7写住Shop 201，行到铺面唔似餐厅，原来喺一个以Natural为主题嘅区域，里面由多家铺头组成，好彩门面有水牌指示。晌门面，最留意到喺「逢星期一，全日89折」嘅优惠牌，所以，我哋无啦啦变相唔使加一。由于要就一就老友饮食，所以，今晚食咩就由佢同佢老婆搞掂，我就一于等食，慢慢影吓东、影吓西。先讲环境，晌门口睇唔出餐厅都颇大，入门口处有开放式「柴房」，顶位「簷篷」真喺放咗唔少柴枝架，下面则有唔少竹制器具，带出餐厅主题。再走入啲啲，就已经喺用餐区，全以浅木系作为主调，装修颇为简约，无咩花巧，由于楼底有留番咁上下高，空间感强。如果再多放少少植物，感觉更强，更有郊野嘅感觉。就连餐垫、餐巾，都极尽田园气息！主餐牌封面，大大只字印住「Tastes of Nature」，再次表达餐厅嘅理念。翻开第一版，有餐厅嘅自我介绍……自然山野风味
虽然餐厅地7写住Shop 201，行到铺面唔似餐厅，原来喺一个以Natural为主题嘅区域，里面由多家铺头组成，好彩门面有水牌指示。
晌门面，最留意到喺「逢星期一，全日89折」嘅优惠牌，所以，我哋无啦啦变相唔使加一。
由于要就一就老友饮食，所以，今晚食咩就由佢同佢老婆搞掂，我就一于等食，慢慢影吓东、影吓西。先讲环境，晌门口睇唔出餐厅都颇大，入门口处有开放式「柴房」，顶位「簷篷」真喺放咗唔少柴枝架，下面则有唔少竹制器具，带出餐厅主题。
再走入啲啲，就已经喺用餐区，全以浅木系作为主调，装修颇为简约，无咩花巧，由于楼底有留番咁上下高，空间感强。如果再多放少少植物，感觉更强，更有郊野嘅感觉。
就连餐垫、餐巾，都极尽田园气息！
主餐牌封面，大大只字印住「Tastes of Nature」，再次表达餐厅嘅理念。
翻开第一版，有餐厅嘅自我介绍……自然山野风味。
继续翻，就图文并茂列出所有菜式，类别包括芝士拼盘、汤品、小食、沙律、主菜、薄饼、意大利饭、意大利粉、伴菜……等等。
此外，仲另有一张「精选本地农场系列」餐牌，食材都喺本地优先，如本地黑毛猪、本地盲𫚧及本地水耕沙律菜。
讲到健康营养，除采用本地水耕沙律菜之外，晌餐牌中间大页，更特别介绍自家种植嘅迷你菜，迷你菜好处喺乜？据佢哋介绍，迷你菜泛指蔬菜及香草嘅幼苗，待发芽不足一个月就收割，所以，营养含量比熟成嘅菜大大提高。
自家制面包篮先上一小篮面包，以小竹篮盛载，内有饼干条及几款小圆包，小圆包好软熟，却好有咬口，富麦香。
饮品方面唔止有特色，更喺健康行头，除多款招牌特饮、冷压果沙，好几款健康特饮都吸引，此外，餐酒、鸡尾酒、啤酒、手工啤、花茶、咖啡一样有供应，可以讲一应俱全。
奇亚籽柠檬蜂蜜 $58简单嚟讲，就喺一杯柠蜜，只喺加咗大量奇亚籽，究竟有乜好？奇亚籽小弟都喺第一次接触，据店长讲，佢喺鼠尾草嘅种籽嚟，有帮助改善消化系统、促进心脏健康、控制糖尿病、增强体能……等功效，甚至修复发肤和指甲都得，不过，成杯嘢味道就唔特别。
Something Wild $68小弟就拣咗以店名命名嘅健康特饮，睇睇有几特别。由西芹、菠菜、苹果、柠檬及蜜糖打做成嘅沙冰，晌依家咁炎夏日子，超冰爽。味道以西芹最突出，又有少少果香，整体感觉清新，唯挑剔位喺沙冰打得未够细致，有唔少冰粒。
蟹肉芦笋忌廉阔条面 $158所有菜式由老友拍版，小弟就只有食食食，先登场有一道「阔」条面（Pappardelle），而唔喺宽条面（Fettuccine），比宽条面更阔，记得年初晌西环嘅Little Creatures见识过一次，仲因为未有中文名，帮佢称为宽「带」面，因为有成两只手指阔，甚具咬口。汁底喺忌廉香蒜白酒汁，又有唔少鲜味嘅蟹肉同爽嘅嫩芦笋混晌面度，好好食，只喺份量有啲少。
藜麦香草鸡胸拌意大利饭 $128个意大利饭以「竹」筒盛上，卖相别致，而藜麦，唔使多介绍，喺近年嘅超级食物。不过，藜麦、鸡胸、意大利饭并非捞埋一齐，可以讲各自分开，大概想由客人自行捞多少藜麦嚟食。啲意大利饭以香槟忌廉汁煮过，湿润黏糯有咬口，小弟就较钟意跟藜麦捞埋一齐食，多份口感，而鸡胸肉切成丝，显得更嫩滑。
本地黑毛猪颈肉配泰式甜酸酱 $98本地食材当然要支持吓，就拣咗一客猪颈肉，一旧水都唔使，抵食㖞。啲猪颈肉烧得几香口，口感爽脆，加咗少少金蒜，沾啲甜酸酱，酸香去腻，更加好食。伴碟有少少沙律菜，淋咗啲煮过嘅黑醋，可见细节位都唔「求其」。
本地黑毛猪颈肉配泰式甜酸酱
$98
40 浏览
1 赞好
0 留言
黑松露蜜糖烧黄金薯 $58黑松露、蜜糖、烧黄金薯，睇落都觉得喺无得输嘅组合。蕃薯加咗蜜糖唔止烧得金黄，咬落香甜且表面有些微香脆感；咪睇佢好似无乜松露酱，入口确有少少松露幽香，唔太呛，平衡到嘅蜜糖味。
黑松露蜜糖烧黄金薯
$58
49 浏览
0 赞好
0 留言
依家饮饮食食追求健康都已经喺大趋势，况且，「野玩田店」位置好，做菜有水准，定价有平有贵，喺几值得推介兼翻兜嘅食店，真喺多谢同学仔是晚嘅安排。
张贴
